චීනය ලෝක වෙළඳපොළේ දැවැන්තයෙකු බවට පත් කිරීමට මූලිකත්වය ගත් හිටපු අගමැති ෂූ රොංජි වයස අවුරුදු 97 දී අභාවප්රාප්ත වෙලා. 1998 සිට 2003 දක්වා චීනයේ අගමැතිවරයා ලෙස කටයුතු කළ ඔහු, එරට ආර්ථිකය ලෝකයට විවෘත කරමින් ලෝක වෙළඳ සංවිධානයට චීනය ඇතුළත් කර ගැනීමට විශාල මෙහෙයක් කළා. රාජ්ය ආයතන ප්රතිසංස්කරණය කිරීම, බදු ක්රමවේදයන් වෙනස් කිරීම සහ විදේශ ආයෝජන චීනයට ගෙන්වා ගැනීම හරහා ඔහු චීන ආර්ථිකයේ දැවැන්ත පෙරළියක් ඇති කළා. ඔහු ඉතා දැඩි සහ ප්රායෝගික නායකයෙක් විදියට තමයි බොහෝ දෙනා අතර ප්රසිද්ධ වුණේ.
ෂූ රොංජිගේ පාලන කාලය තුළ චීනය නිෂ්පාදන ක්ෂේත්රයේ ලෝකයේ ප්රබලතම රට බවට පත් වුණා. දූෂණයට එරෙහිව දැඩිව කතා කළ ඔහු, නිලධාරීන්ගේ වැරදි ක්රියාකාරකම් සහ සමාජයේ තිබුණු පරතරය ගැන විවෘතව අදහස් දැක්වීමට කිසිවිටෙකත් බිය වුණේ නැහැ. කෙසේ වෙතත්, ඔහු ගෙනා ආර්ථික ප්රතිසංස්කරණ නිසා මිලියන 30කට අධික පිරිසකට රැකියා අහිමි වීම සහ සමාජ අසමානතාව ඉහළ යාම වැනි විවේචනවලටත් ඔහුට මුහුණ දෙන්න සිදු වුණා.
1928 දී හුනාන් පළාතේ උපන් ඔහු, සිය ජීවිත කාලය පුරාම චීන කොමියුනිස්ට් පක්ෂයේ කැපී පෙනෙන නායකයෙක් ලෙස කටයුතු කළා. දේශපාලන ගමනේදී විවිධ අභියෝග සහ බාධක මැදින් ඉදිරියට ආ ඔහු, අද වන විට චීනය ලෝක ආර්ථිකයේ ප්රබල බලවතෙකු බවට පත් වීමට අඩිතාලම දැමූ ප්රධාන චරිතයක් ලෙස ඉතිහාසයට එක් වෙනවා. චීන රාජ්ය මාධ්ය ඔහු හඳුන්වන්නේ විප්ලවීය සහ බුද්ධිමත් නායකයෙක් විදියටයි.

Discussion & Feedback