ඔබේ සුරතල් බල්ලා කැලෑවක හෝ දුෂ්කර ප්‍රදේශයක අතරමං වුණොත් මොකද කරන්නේ? සාමාන්‍යයෙන් භාවිතා කරන GPS ට්‍රැකර්වලට ජංගම දුරකථන සංඥා නැති තැනකදී වැඩ කරන්නේ නැහැ. ඒත් දැන් ඒ ප්‍රශ්නයට විසඳුමක් විදිහට ලෝකයේ පළමු චන්ද්‍රිකා තාක්ෂණයෙන් ක්‍රියාත්මක වන සුනඛ කරපටිය (Dog Collar) හඳුන්වා දීලා තියෙනවා. Fi ආයතනය විසින් නිර්මාණය කරපු මේ නවීන උපකරණය SpaceX සමාගමේ Starlink චන්ද්‍රිකා ජාලය සමඟ සම්බන්ධ වෙලා තියෙන්නේ. ඒ නිසා ලෝකයේ ඕනෑම තැනක ඉඳන් ඔබේ සුරතලා ඉන්න තැන හරියටම දැනගන්න දැන් ඔබට පුළුවන්.
මේ උපකරණය වැඩ කරන්නේ ඉතාම සරලවයි. ඔබේ සුනඛයා ඔබ නියම කරපු සීමාවෙන් පිටතට ගිය ගමන්ම ඔබේ ස්මාර්ට් ජංගම දුරකථනයට ඒ ගැන පණිවිඩයක් ලැබෙනවා. ජංගම දුරකථන කුළුණු නැති තැනකදී වුණත් මේ උපකරණය කෙලින්ම චන්ද්‍රිකාව සමඟ සම්බන්ධ වෙනවා. ඒ විතරක් නෙවෙයි, බල්ලාට ආපහු ගෙදර එන්න පුරුදු කරන්න පුළුවන් විදිහට මේකේ කම්පන (Vibration) හෝ ශබ්ද නිකුත් කිරීමේ හැකියාවත් තියෙනවා. මේ තාක්ෂණය නිසා සුරතල් සතුන් අතුරුදහන් වීම වළක්වා ගන්න වගේම, ඔවුන්ව ආරක්ෂිතව තබා ගන්නත් අයිතිකරුවන්ට ලොකු පහසුවක් ලැබෙනවා. දින ගණනාවක් බැටරිය පවතින නිසා මේක ඇත්තටම සුනඛයන් ඇති කරන අයට ලැබුණු ලොකු වරප්‍රසාදයක්.
Discussion & Feedback