ඔබේ සුරතල් බල්ලා කැලෑවක හෝ දුෂ්කර ප්‍රදේශයක අතරමං වුණොත් මොකද කරන්නේ? සාමාන්‍ය GPS ට්‍රැකර් එකක් වැඩ කරන්නේ ජංගම දුරකථන සංඥා තියෙන තැන්වල විතරයි. ඒත් දැන් ‘Fi’ සමාගම විසින් ලෝකයේ ප්‍රථම වතාවට චන්ද්‍රිකා තාක්ෂණයෙන් ක්‍රියාත්මක වන සුනඛ ට්‍රැකර් එකක් හඳුන්වා දීලා තියෙනවා. මේ උපකරණය SpaceX සමාගමේ ස්ටාර්ලින්ක් (Starlink) චන්ද්‍රිකා ජාලය එක්ක සම්බන්ධ වෙලා තියෙන නිසා, ජංගම දුරකථන සංඥා නැති ඕනෑම තැනක ඉඳන් ඔබේ සුරතලා ඉන්න තැන හරියටම බලාගන්න පුළුවන්.
මේ උපකරණය වැඩ කරන්නේ හරිම සරලවයි. ඔබේ බල්ලා නියමිත සීමාවෙන් පිටතට ගිය ගමන්ම ඔබේ ෆෝන් එකට මැසේජ් එකක් එනවා. ඒ විතරක් නෙවෙයි, මේකේ තියෙන විශේෂ කම්පන හෝ ශබ්ද සංඥා මගින් බල්ලාට ආපහු ගෙදර එන්න පුරුදු කරන්නත් පුළුවන්. දවස් ගාණක් එක දිගට චාජ් නොකර තියාගන්න පුළුවන් මේ බැටරිය නිසා, බල්ලා හොයාගන්න ඔබට ඕනෑ තරම් කාලය ලැබෙනවා. දැනට ලෝකයේ සුනඛයන් මිලියන ගණනක් GPS මගින් නිරීක්ෂණය වුණත්, මේ නව තාක්ෂණය නිසා ඕනෑම දුෂ්කර ප්‍රදේශයක ඉන්න ඔබේ සුරතලාගේ ආරක්ෂාව තහවුරු කරගන්න දැන් පහසු වෙලා තියෙනවා.
Discussion & Feedback