යෙමනයේ අගනුවර වන සනා ගුවන්තොටුපළට එල්ල වූ ගුවන් ප්රහාර මාලාවක් සමඟ යෙමනයේ හූති කැරලිකරුවන් සහ සෞදි අරාබිය අතර පවතින ගැටුම් නැවත වරක් උත්සන්න වෙලා තියෙනවා. ඉරානයෙන් පැමිණි ගුවන් යානයක් ගොඩබෑම වැළැක්වීමේ අරමුණින් යෙමන් රජයේ හමුදා විසින් මෙම ප්රහාරය එල්ල කළ බවයි වාර්තා වෙන්නේ. මේ සිදුවීමත් සමඟ හූති කැරලිකරුවන් සෞදි අරාබියේ අභා ගුවන්තොටුපළ ඉලක්ක කරගෙන මිසයිල සහ ඩ්රෝන ප්රහාර මාලාවක් එල්ල කර තිබෙනවා. කෙසේ වෙතත්, සෞදි ආරක්ෂක අංශ පවසන්නේ එම මිසයිල ප්රහාර සාර්ථකව මැඩපැවැත්වූ බවත්, කිසිදු ජීවිත හානියක් සිදුවී නොමැති බවත්ය.
වසර හතරකට පසු ඇති වූ මෙම බරපතළම ගැටුම්කාරී තත්ත්වය සම්බන්ධයෙන් එක්සත් ජාතීන්ගේ සංවිධානය දැඩි කනස්සල්ල පළ කර තිබෙනවා. යෙමනයේ පවතින සිවිල් යුද්ධය නිසා දැනටමත් ලක්ෂ එකහමාරකට අධික පිරිසක් මියගොස් ඇති අතර, මිලියන 22කට වැඩි ජනතාවක් මානුෂීය ආධාර මත යැපෙන තත්ත්වයකයි ඉන්නේ. හූති කැරලිකරුවන් අනතුරු අඟවා තිබෙන්නේ සනා ගුවන්තොටුපළට පනවා ඇති සීමාවන් ඉවත් කරන තුරු සෞදි අරාබියට එරෙහිව සිය ප්රහාර දිගටම ක්රියාත්මක කරන බවයි. කලාපයේ සාමය තවදුරටත් අවදානමක හෙළන මෙම නවතම උණුසුම් තත්ත්වය මැද පෙරදිග දේශපාලන කරළියේ දැඩි කතාබහකට ලක්වෙලා තියෙනවා.

Discussion & Feedback