ලෝකය පුරා තාක්ෂණික ක්ෂේත්රයේ ප්රබලයන් අතර මේ දිනවල දැඩි කතාබහක් ඇතිවෙලා තියෙනවා. ඒ තමයි ‘Xprize’ නිර්මාතෘ පීටර් ඩයමන්ඩිස්ගේ අලුත්ම අදහස. ඔහු කියන විදිහට, මිනිසුන් නිරන්තරයෙන් නිරීක්ෂණයට ලක්වෙනවා කියලා දැනෙනකොට ඔවුන් වඩාත් යහපත් ලෙස හැසිරෙනවා. ඔහු මේ ගැන තවදුරටත් විස්තර කරන්නේ ‘සම්පූර්ණ විනිවිදභාවයකින් යුත් අනාගතයක්’ ගැනයි. ඒ කියන්නේ අනාගතයේදී කාටවත් කිසිම දෙයක් සඟවාගෙන ඉන්න බැරි වෙනවා වගේම, සැටලයිට්, ඩ්රෝන සහ කැමරා හරහා මුළු පෘථිවියම නිරන්තර නිරීක්ෂණයට ලක්වෙනවා කියන එකයි. ඔරකල් සමාගමේ නිර්මාතෘ ලැරී එලිසන් පවා මීට කලින් මෙවැනිම අදහසක් ප්රකාශ කර තිබුණා.
නමුත් මේ අදහස සමාජය තුළ ලොකු විවාදයක් ඇති කරලා තියෙනවා. පීටර් ඩයමන්ඩිස් කියන්නේ පුද්ගලිකත්වය නැති වුණත්, හැමෝම අවංකව ජීවත් වෙන්න පුරුදු වෙන්න ඕනේ කියලයි. ඒත් සාමාන්ය ජනතාව මේ තාක්ෂණික නිරීක්ෂණවලට එතරම් කැමැත්තක් දක්වන්නේ නැහැ. දැනටමත් බොහෝ රටවල ආරක්ෂක කැමරා සහ දත්ත රැස්කරන පද්ධතිවලට එරෙහිව ජනතාව විරෝධය පළ කරනවා. මොකද, ‘යහපත් හැසිරීම’ කියන දේ තීරණය කරන්නේ කවුද කියන ප්රශ්නය තාමත් විසඳිලා නැහැ. තාක්ෂණික සමාගම්වලට ඕනෑ විදිහට අපේ පුද්ගලික ජීවිත පාලනය වෙන්න ඕනෙද කියන එක තමයි අද තියෙන ලොකුම ගැටලුව.

Discussion & Feedback