චීන ජනාධිපති ෂී ජින්පින් මහතාගේ ‘චීනයේ පාලනය’ (Xi Jinping: The Governance of China) කෘතියේ පස්වන වෙළුම ශ්රී ලංකාවේ ඉදිරි සංවර්ධන කටයුතු සඳහා ඉතා වටිනා මගපෙන්වීමක් ලබා දෙන බව මෙරට චීන තානාපති ක්වි සෙන්හොං මහතා පවසනවා. කොළඹදී පැවැති විශේෂ සමුළුවකට එක්වෙමින් ඔහු සඳහන් කළේ, නවීකරණය, උසස් තත්ත්වයේ සංවර්ධනය සහ ප්රතිසංස්කරණ පිළිබඳ චීනයේ අත්දැකීම් ශ්රී ලංකාවට සිය ආර්ථික ඉලක්ක සපුරා ගැනීමට විශාල පිටුවහලක් වන බවයි. විශේෂයෙන්ම වරාය ආර්ථිකය, නවීන කෘෂිකර්මාන්තය, ඩිජිටල් ආර්ථිකය සහ පුනර්ජනනීය බලශක්තිය වැනි ක්ෂේත්රවල දෙරට අතර සහයෝගීතාව තවදුරටත් පුළුල් කිරීමට මෙම කෘතිය තුළින් නව මංපෙත් විවර වන බව තානාපතිවරයා වැඩිදුරටත් පෙන්වා දුන්නා.
එමෙන්ම, 2027 වසරේදී ශ්රී ලංකාව සහ චීනය අතර රාජ්ය තාන්ත්රික සබඳතාවලට වසර 70ක් සපිරෙන බව සිහිපත් කළ තානාපතිවරයා, දෙරටේ අනාගතය වෙනුවෙන් පොදු ඉලක්ක සහිත හවුල්කාරිත්වයක් ගොඩනැගීමට චීනය නිරන්තරයෙන් සූදානම් බවත් ප්රකාශ කළා. මෙම අවස්ථාවට කථානායක ජගත් වික්රමරත්න මහතා, අධ්යාපන රාජ්ය අමාත්ය මධුර විතානගේ මහතා ඇතුළු දේශපාලන නියෝජිතයන් සහ රාජ්ය තාන්ත්රික නිලධාරීන් රැසක් සහභාගී වී සිටියා. චීනයේ පාලන දර්ශනය තුළින් ලෝකයටම පොදු අභියෝග ජය ගැනීමට මෙන්ම, දෙරට අතර පවතින දිගුකාලීන මිත්රත්වය තවදුරටත් ශක්තිමත් කර ගැනීමට මෙම වැඩසටහන මහඟු අවස්ථාවක් වනු ඇති බවයි වැඩිදුරටත් සඳහන් වන්නේ.

Discussion & Feedback