ඇමරිකානු ජනාධිපති ඩොනල්ඩ් ට්රම්ප්ගේ කතා සහ ඒ සඳහා භාවිතා කරන වචන උපයෝගී කරගෙන රහසිගතව ඔට්ටු ඇල්ලූ ධවල මන්දිරයේ සේවකයෙකු සම්බන්ධයෙන් මේ වන විට ලොකු කතාබහක් ඇතිවෙලා තියෙනවා. ගේබ්රියල් පෙරෙස් නම් මෙම ටෙලිප්රොම්ප්ටර් ක්රියාකරු, ජනාධිපතිවරයාගේ කතාවලදී භාවිතා කරන විශේෂ වචන සහ ප්රකාශයන් කල්තියා දැනගෙන ‘කල්ෂි’ (Kalshi) නම් ඔට්ටු ඇල්ලීමේ වෙබ් අඩවිය හරහා විශාල මුදලක් උපයා ගැනීමට උත්සාහ කර තිබෙනවා. 2016 වසරේ සිට ධවල මන්දිරයේ සේවය කළ මොහු, මේ ආකාරයෙන් ඇමරිකානු ඩොලර් ලක්ෂයකට ආසන්න මුදලක් උපයා ගැනීමට සැලසුම් කර තිබූ බවයි වාර්තා වෙන්නේ.
මෙම අසාමාන්ය ඔට්ටු ඇල්ලීමේ රටාවන් හඳුනාගත් කල්ෂි ආයතනය, වහාම ක්රියාත්මක වී එම ගිණුම තාවකාලිකව අත්හිටුවා තිබෙනවා. ඒ වන විටත් ඔහු උපයාගෙන තිබූ ඩොලර් 90,000කට අධික මුදලක් ආපසු ලබා ගැනීමට නොහැකි වන ලෙස ඔවුන් පියවර ගෙන තිබීම විශේෂත්වයක්. මේ සිදුවීම සම්බන්ධයෙන් අදාළ ආයතනය විසින් නියාමන බලධාරීන්ට සාක්ෂි ලබා දී ඇති අතර, ධවල මන්දිරය විසින් වහාම ක්රියාත්මක වන පරිදි අදාළ සේවකයා වැටුප් රහිත නිවාඩු මත යවා සේවයෙන් පහ කිරීමට පියවර ගෙන තිබෙනවා.
මේ වන විට ෆෙඩරල් බලධාරීන් මේ සම්බන්ධයෙන් පරීක්ෂණ පවත්වමින් සිටින අතර, අදාළ සේවකයා පරීක්ෂණ සඳහා පූර්ණ සහයෝගය ලබා දෙන බවයි වාර්තා වෙන්නේ. කෙසේ වෙතත්, මෑන්හැටන් හි ෆෙඩරල් නඩු පවරන්නන් මෙම සිද්ධිය සම්බන්ධයෙන් අපරාධ නඩුවක් ගොනු නොකිරීමට තීරණය කර තිබෙනවා. දේශපාලන නායකයින්ගේ කතා ඔස්සේ මෙවැනි මූල්ය වාසි ලබා ගැනීමට උත්සාහ කිරීම ඇමරිකානු දේශපාලන ක්ෂේත්රයේ විශාල ආන්දෝලනයක් ඇති කිරීමට හේතු වී තිබෙනවා.

Discussion & Feedback