ඇමරිකානු සී.අයි.ඒ (CIA) ප්රධානී ජෝන් රැට්ක්ලිෆ් හදිසියේම රුසියාවේ මොස්කව් නුවරට ගිය රහසිගත සංචාරය මේ වන විට ලෝක දේශපාලනයේ ලොකු කතාබහක් ඇති කරලා තියෙනවා. ජනාධිපති ඩොනල්ඩ් ට්රම්ප් මේක සාමාන්ය ගමනක් කියලා කිව්වත්, ඇමරිකානු හමුදා ගුවන් යානයකින් සැතපුම් දහස් ගණනක් ගෙවාගෙන ඔහු රුසියානු බුද්ධි අංශ ප්රධානියා හමුවීම කිසිසේත්ම සාමාන්ය දෙයක් නෙවෙයි. යුක්රේන යුද්ධය නිසා රුසියාව සහ බටහිර රටවල් අතර උණුසුම වැඩි වෙලා තියෙන වෙලාවක සිද්ධ වුණු මේ හමුවීම, බොහෝ දෙනෙක් දකින්නේ රුසියාවට දෙන ලද දැඩි අවවාදයක් විදිහටයි.
විශේෂයෙන්ම රුසියාව නේටෝ (NATO) සාමාජික රටවල් ඉලක්ක කරගෙන යම් ප්රහාරයක් එල්ල කිරීමට සූදානම් වන බවට බුද්ධි අංශ අනතුරු අඟවා තිබෙනවා. විශේෂයෙන්ම බෝල්ටික් රටවල් සහ බ්රිතාන්යය ඉලක්ක කරගෙන රුසියාවේ ක්රියාකාරකම් වැඩි වෙමින් පවතින පසුබිමක, ඇමරිකාව මේ ගමන හරහා රුසියාවට පණිවිඩයක් දීලා තියෙනවා. යුක්රේනයේ පවතින යුද තත්ත්වය නිසා රුසියාව ඇතුළත ඇති වී තිබෙන ආර්ථික පීඩනය සහ ඉන්ධන හිඟය නිසා පුටින් පාලනය යම්කිසි අන්තවාදී තීරණයකට එළඹිය හැකි බවට බටහිර රටවල් බියෙන් ඉන්නේ. නේටෝ රටවලට පහර දීමෙන් ඇමරිකාව පසුබසිනු ඇතැයි පුටින් සිතනවා නම්, එය වැරදි බවත්, නේටෝ සාමූහික ආරක්ෂක ගිවිසුම වෙනුවෙන් ඇමරිකාව ඕනෑම අවස්ථාවක පෙනී සිටින බවත් පෙන්වා දීම මේ සංචාරයේ ප්රධාන අරමුණ වෙන්න ඇති.

Discussion & Feedback