ජර්මනියේ බර්ලින් නුවර පැවති වාර්ෂික ‘ක්රිස්ටෝපර් ස්ට්රීට් ඩේ’ හෙවත් ප්රයිඩ් උත්සවය අතරතුරදී ඉතාමත් කනගාටුදායක සිදුවීමක් වාර්තා වුණා. සෙනසුරාදා රාත්රියේදී සුදු පැහැති මෝටර් රථයක් උත්සවයට සහභාගී වී සිටි පිරිසක් දෙසට වේගයෙන් ධාවනය කරමින් මෙම ප්රහාරය එල්ල කර තිබෙනවා. මෙම අනතුරින් එක් කාන්තාවක් ජීවිතක්ෂයට පත්වුණු අතර තවත් 16 දෙනෙක් බරපතල තුවාල ලබා රෝහල්ගත කර තිබෙනවා. සමහර වාර්තා වලට අනුව ප්රහාරය අතරතුර පිහි ඇනුම් සිදුවීම් කිහිපයක්ද වාර්තා වී ඇති අතර, මේ නිසා උත්සවය වහාම නතර කර ජනතාව ඉවත් කිරීමට සංවිධායකයින් පියවර ගත්තා.
පොලිසිය විසින් සිදුකළ පරීක්ෂණ වලදී අනාවරණය වී ඇත්තේ මෙම ප්රහාරයට සම්බන්ධ සැකකරු 21 හැවිරිදි අබ්දුල් බී නම් පුද්ගලයෙක් බවයි. මොහු ඉස්ලාමීය අන්තවාදී කණ්ඩායම් සමඟ සම්බන්ධතා පවත්වන අයෙකු බවට පොලිසිය සැක කරනවා. ප්රහාරයෙන් පසු සැකකරු පැමිණි මෝටර් රථය ගසක හැපී තිබියදී සොයාගෙන තිබුණත්, සැකකරු තවමත් ප්රදේශයෙන් පලාගොස් සැඟවී සිටිනවා. ඔහුව අත්අඩංගුවට ගැනීම සඳහා බර්ලින් නුවර පුරා දැවැන්ත මෙහෙයුමක් ක්රියාත්මකයි. පොලිසිය ජනතාවගෙන් ඉල්ලා සිටින්නේ සැකකරු සන්නද්ධ සහ භයානක පුද්ගලයෙකු විය හැකි නිසා ඔහු දුටුවහොත් වහාම පොලිසිය දැනුවත් කරන ලෙසයි. තවමත් මෙම ප්රහාරයේ නිශ්චිත අරමුණ කුමක්ද යන්න පිළිබඳව කිසිදු තොරතුරක් අනාවරණය වී නැහැ.

Discussion & Feedback