ඇපල් සමාගම මේ සැප්තැම්බර් 9 වෙනිදා පැවැත්වෙන උත්සවයේදී ලොවම පුදුම කරමින් ඔවුන්ගේ පළමු නැවෙන සුළු අයිෆෝන් එක එළිදක්වන්න සූදානම් වෙනවා. සැම්සුන් සමාගම මේ ක්ෂේත්රයට ඇවිත් වසර පහකට පස්සේ ඇපල් මේ වගේ අලුත් පියවරක් තබන්නේ ටිම් කුක්ගෙන් පස්සේ ජෝන් ටර්නස් ප්රධාන විධායක නිලධාරියා ලෙස වැඩ භාරගන්නා කාලයකයි. ආරංචි මාර්ග වලට අනුව මේ දුරකථනය ඇමරිකානු ඩොලර් 2000කට වඩා වැඩි මිලක් වෙන්න ඉඩ තියෙනවා. ඒ වගේම මේක දිග හැරියම අයිපෑඩ් එකක් වගේ 7.8ක විශාල තිරයක් ලැබෙන අතර, සාමාන්ය අයිෆෝන් එකකට වඩා වෙනස් අත්දැකීමක් පරිශීලකයන්ට ලබා දෙනවා.
මේ දුරකථනයේ විශේෂත්වය වෙන්නේ නැවෙන තැන රැලි වැටීම අවම කරලා තියෙන එකයි. ඒ වගේම මෙහි ෆේස් අයිඩී වෙනුවට පැත්තෙන් ටච් අයිඩී පහසුකම ලබා දීලා තියෙනවා. කැමරා පද්ධතිය ගැන කතා කළොත්, මෙහි ටෙලිෆොටෝ කාචයක් නැති වුණත්, ප්රධාන සහ අල්ට්රා වයිඩ් කාච දෙකක් අන්තර්ගත වෙනවා. මීට අමතරව, අයිෆෝන් 18 ශ්රේණියේ නවතම දුරකථන කිහිපයක් සහ එයාර් පොඩ්ස්, හෝම් පොඩ්ස් වැනි උපාංග ගැනත් මේ උත්සවයේදී දැනගන්න ලැබෙයි කියලා තමයි තාක්ෂණ ලෝකයම බලාපොරොත්තු වෙන්නේ. ඇපල් රසිකයන්ට මේ සැප්තැම්බර් මාසය ඇත්තටම සුවිශේෂී එකක් වේවි.

Discussion & Feedback