ඇල්ෆාබෙට් සමාගමට අයත් ස්වයංක්රීය රථ නිෂ්පාදක වේමෝ (Waymo) ආයතනය විසින් ඔවුන්ගේ රොබෝ ටැක්සි සේවාව ඇමරිකාවේ ඩලස් නුවර සිටින ඕනෑම අයෙකුට භාවිතා කිරීමට අවස්ථාව ලබා දී තිබෙනවා. මීට පෙර මෙම සේවාව ලබා ගැනීමට පොරොත්තු ලේඛනයක ලියාපදිංචි වී සිටීමට සිදු වුවත්, දැන් ඕනෑම කෙනෙකුට වේමෝ ඇප් එක හරහා පහසුවෙන් ටැක්සියක් වෙන් කරගන්න පුළුවන්. දැනට ඩලස් ලව් ෆීල්ඩ් ගුවන්තොටුපළ සඳහා මෙම සේවාව ක්රියාත්මක නොවුණත්, ඉදිරියේදී එම පහසුකමත් ලබා දීමට ඔවුන් කටයුතු කරමින් ඉන්නවා.
පසුගිය වසරේ සිට ඩලස් නුවර සිය පරීක්ෂණ කටයුතු ආරම්භ කළ වේමෝ ආයතනය, ඒ සඳහා ජගුවාර් අයි-පේස් (Jaguar I-Pace) වර්ගයේ විදුලි රථ භාවිතා කරනවා. මේ වන විට ලොස් ඇන්ජලීස් සහ සැන් ෆ්රැන්සිස්කෝ වැනි නගරවල සාර්ථකව ක්රියාත්මක වන මෙම සේවාව, පසුගිය කාලයේ අධික වර්ෂාව සහ ගංවතුර තත්ත්වයන් නිසා තාවකාලිකව නතර කිරීමට සිදුවුණා. කෙසේ වෙතත්, කාලගුණික තත්ත්වයන් අනුව සේවාවන් පාලනය කිරීමට ඔවුන් මේ වන විටත් පියවර ගෙන තිබෙනවා. ඕනෑම අයෙකුට දැන් ඉතාමත් පහසුවෙන් සහ ආරක්ෂිතව මෙම ස්වයංක්රීය රථ සේවාව අත්විඳින්න පුළුවන් බවයි සමාගම පවසන්නේ.

Discussion & Feedback