එක්සත් ජාතීන්ගේ මහා මණ්ඩල සැසිවාරය අමතා ඊශ්රායල අගමැති බෙන්ජමින් නෙතන්යාහු කතාව ආරම්භ කරන මොහොතේම, එහි රැස්ව සිටි රාජ්ය තාන්ත්රිකයන් විශාල පිරිසක් විරෝධය පළ කරමින් සභා ගර්භයෙන් පිටව ගිය පුවතක් මේ වන විට ලෝකය පුරාම කතාබහට ලක්වෙලා තියෙනවා. ගාසා තීරයේ සිදුවන යුද්ධය සම්බන්ධයෙන් ඊශ්රායලයට එල්ල වන දැඩි විවේචන සහ ජාත්යන්තර පීඩනය මධ්යයේ තමයි අගමැතිවරයා මෙවර සමුළුවට සහභාගි වුණේ. නෙතන්යාහු වේදිකාවට ගොඩවෙනවත් එක්කම වගේ බොහෝ රටවල නියෝජිතයන් තමන්ගේ අසුන්වලින් නැගිටලා සභාවෙන් පිටව යන දර්ශන සමාජ මාධ්ය ඔස්සේත් ඉතා වේගයෙන් පැතිර යනවා.
ගාසා තීරයේ සිදුවන මනුෂ්ය ඝාතන සහ යුද අපරාධ සම්බන්ධයෙන් ඊශ්රායලයට එරෙහිව ලෝක නායකයන්ගෙන් එල්ල වන විරෝධය මේ සිදුවීමෙන් මනාව පැහැදිලි වෙනවා. සාමාන්යයෙන් එක්සත් ජාතීන්ගේ මහා මණ්ඩලයේදී මෙවැනි විරෝධතා දැකගන්න ලැබෙන්නේ ඉතා කලාතුරකින්. කෙසේ වෙතත්, නෙතන්යාහුගේ කතාව ආරම්භයේදීම මෙවැනි දැවැන්ත විරෝධයක් එල්ල වීමෙන් පෙනී යන්නේ ඊශ්රායලයේ යුද ක්රියාමාර්ග සම්බන්ධයෙන් ජාත්යන්තර ප්රජාව තුළ පවතින දැඩි නොසතුටයි. මේ සිදුවීම සම්බන්ධයෙන් මේ වන විට ලෝකයේ විවිධ රටවලින් විවිධ මත පළ වෙමින් පවතින අතර, ඉදිරි දිනවලදීත් මේ පිළිබඳව වැඩිදුර කතාබහක් ඇතිවනු නොඅනුමානයි.

Discussion & Feedback