මේ දවස්වල තාක්ෂණ ලෝකයේ ලොකුම කතාබහක් ඇති වෙලා තියෙනවා. ඒ චීනයේ පැවැත්වුණු ලෝක මානව රොබෝ ක්රීඩා උළෙලේදී සිද්ධ වුණු පුදුම හිතෙන සිදුවීමක් නිසා. බෙයිජිං නුවර පැවැත්වුණු මේ තරගාවලියේදී ‘ටියැන්ගොං අල්ට්රා’ (Tiangong Ultra) කියලා හඳුන්වන මානව රොබෝවරයෙක් මීටර් 100ක දුරක් තත්පර 9.39කින් දුවලා ඉවර කරලා තියෙනවා. මේක ඇත්තටම හිතාගන්නවත් බැරි තරම් වේගයක්. මොකද ජැමෙයිකානු සුපිරි කෙටි දුර ධාවන ශූර උසේන් බෝල්ට් තබා තිබුණු ලෝක වාර්තාවටත් වඩා මේ රොබෝවරයාගේ වේගය වැඩියි.
බෙයිජිං මානව රොබෝ නවෝත්පාදන මධ්යස්ථානය විසින් නිර්මාණය කරපු මේ රොබෝවරයා තරගාවලියේ මූලික වටයේදී තමයි මේ දක්ෂතාව පෙන්නුවේ. සාමාන්යයෙන් රොබෝවරුන්ගේ චලනයන් ගැන අපිට තියෙන්නේ වෙනස්ම අදහසක් වුණත්, මේ රොබෝවරයා දුවන විදිහ දැක්කම ඇත්තටම මනුස්සයෙක් දුවනවා වගේමයි. තාක්ෂණය කොයිතරම් දුරකට දියුණු වෙලාද කියන එකට මේක හොඳම උදාහරණයක්. ඉස්සරහට මේ වගේ රොබෝවරුන්ගේ දක්ෂතා තවත් වැඩි වෙයි කියලා තමයි තාක්ෂණික විශේෂඥයෝ කියන්නේ. කොහොම වුණත්, ක්රීඩා ලෝකයේ ලොකුම වාර්තාවක් මෙහෙම රොබෝවරයෙක් අතින් බිඳ වැටීම ඇත්තටම පුදුම හිතෙන කාරණයක් නේද?

Discussion & Feedback