ජර්මනියේ බර්ලින් නුවර පැවති ප්රයිඩ් උත්සවයක් අතරතුර සිදුවුණු බිහිසුණු අනතුරක් ගැන තමයි මේ ආරංචිය ලැබෙන්නේ. ජනතාව ගැවසෙන ස්ථානයකට වේගයෙන් පැමිණි වාහනයක් හිතාමතාම පිරිසක් දෙසට ධාවනය කර තිබෙනවා. මේ අවාසනාවන්ත සිදුවීමෙන් එක් අයෙක් ජීවිතක්ෂයට පත් වෙලා තියෙන අතර තවත් 16 දෙනෙක් බරපතල තුවාල ලබා රෝහල් ගත කරලා තියෙනවා. මේ සිදුවීමෙන් ප්රදේශයේ ජනතාව දැඩි කම්පනයකට පත්වෙලා ඉන්නවා.
පොලිසිය මේ වන විටත් සැකකරු සොයා දැවැන්ත මෙහෙයුමක් දියත් කරලා තියෙනවා. මොහු 21 හැවිරිදි අබ්දුල් බී නමැති අයෙක් බවට හඳුනාගෙන ඇති අතර, ඔහුගේ ඡායාරූපයක් ද පොලිසිය විසින් ප්රසිද්ධ කර තිබෙනවා. ප්රහාරයට යොදාගත් බවට සැක කෙරෙන වාහනය බර්ලින් නුවර ටියර්ගාර්ටන් උද්යානය තුළ තිබී පොලිසිය විසින් සොයාගෙන තියෙනවා. මේ වන විටත් සැකකරු අත්අඩංගුවට ගැනීම සඳහා පොලිසිය පුළුල් පරීක්ෂණ පවත්වමින් ඉන්නවා.
මේ සිදුවීම නිසා නගරයේ ආරක්ෂාව තර කර ඇති අතර, සිද්ධියට සම්බන්ධ වැඩිදුර තොරතුරු ඉදිරියේදී අනාවරණය වනු ඇති. මෙවැනි සිදුවීම් නිසා ජනතාව අතර විශාල බියක් ඇති වී තිබෙන අතර, පොලිසිය ජනතාවගෙන් ඉල්ලා සිටින්නේ සැකකටයුතු යමක් දුටුවහොත් වහාම දැනුම් දෙන ලෙසයි. සිද්ධිය සම්බන්ධයෙන් තවදුරටත් පරීක්ෂණ ක්රියාත්මකයි.

Discussion & Feedback