ඩුබායි රාජ්යයේ සැඟවී සිටි ප්රබල පාතාල සාමාජිකයෙක් සහ මත්ද්රව්ය ජාවාරම්කරුවෙක් වන ලලිත් කන්නන්ගර හෙවත් ‘බස් ලලිත්’ව අත්අඩංගුවට ගෙන අද අලුයම යළි ශ්රී ලංකාවට රැගෙන ඇවිත් තියෙනවා. අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් ඔහුව මෙරටට රැගෙන ආ අතර, ඔහුට එරෙහිව බරපතළ අපරාධ රැසක් සම්බන්ධයෙන් චෝදනා එල්ල වෙලා තියෙනවා. කළුතර දකුණ ප්රදේශයේ පදිංචි 36 හැවිරිදි මෙම සැකකරු මිනීමැරුම්, මිනීමැරීමට තැත් කිරීම්, පහරදීම් සහ කප්පම් ගැනීම් වැනි අපරාධ ගණනාවකට සම්බන්ධ බවයි පොලිසිය පවසන්නේ.
මෙම සැකකරු අත්අඩංගුවට ගැනීම සඳහා ජාත්යන්තර පොලිසිය හෙවත් ඉන්ටර්පෝල් හරහා රතු නිවේදනයක් පවා නිකුත් කර තිබුණා. අවිස්සාවේල්ල මහේස්ත්රාත් අධිකරණයේ පවතින නඩුවකට අමතරව, කොළඹ මහාධිකරණය මගින් ද ඔහුට එරෙහිව විවෘත වරෙන්තු නිකුත් කර තිබුණේ අධිකරණය මගහැර සිටීම නිසයි. විශේෂයෙන්ම 2021 වසරේ නෙලුන්තුඩුවේදී පුද්ගලයෙකුට වෙඩි තබා තුවාල කිරීම සහ 2022 වසරේ තියුණු ආයුධවලින් පහර දී පුද්ගලයින් තිදෙනෙකුට බරපතළ තුවාල සිදු කිරීම වැනි සිදුවීම් සම්බන්ධයෙන් ඔහුට එරෙහිව අධිකරණ වරෙන්තු නිකුත් වී තිබුණා.
දැනටමත් අපරාධ පරීක්ෂණ දෙපාර්තමේන්තුව විසින් මෙම සැකකරු සම්බන්ධයෙන් වැඩිදුර විමර්ශන ආරම්භ කරලා තියෙනවා. දිගු කලක් තිස්සේ නීතියේ රැහැනින් බේරී සිටි මෙම පාතාල සාමාජිකයාගේ පැමිණීමත් සමඟ ඔහු සම්බන්ධ තවත් බොහෝ අපරාධ තොරතුරු ඉදිරියේදී අනාවරණය කරගන්න පුළුවන් වෙයි කියලා පොලිසිය විශ්වාස කරනවා.

Discussion & Feedback