අභ්‍යවකාශය ගැන උනන්දුවක් දක්වන ඔබට මේ දිනවල ඉතාමත් සුවිශේෂී අවස්ථාවක් ලැබිලා තියෙනවා. සාමාන්‍යයෙන් අපේ නිරුවත් ඇසට පෙනෙන්නේ ග්‍රහලෝක පහක් පමණක් වුණත්, ජූලි 4 වැනිදා අලුයම යුරේනස් ග්‍රහලොව ඉතා පැහැදිලිව දැකගන්න පුළුවන් වෙනවා. මේ දිනවල අඟහරු ග්‍රහයා සහ යුරේනස් ග්‍රහයා අහසේ ඉතාම ආසන්නයෙන් ගමන් කරන නිසා, අඟහරු ග්‍රහයා මඟපෙන්වන්නෙක් ලෙස භාවිතා කරමින් ඔබට යුරේනස් සොයාගන්න පුළුවන්. අලුයම 4ට පමණ නැගෙනහිර දෙසින් අහස නිරීක්ෂණය කළොත් ඔබට මේ අපූරු දසුන දැකගන්න ලැබෙයි.
යුරේනස් ග්‍රහයා තරමක් බොඳ වූ කොළ පැහැති තිතක් වගේ තමයි දිස්වෙන්නේ. ආලෝක දූෂණය අඩු, ඉතා අඳුරු අහසක් තියෙන තැනක ඉඳන් බැලුවොත් ඔබට මෙය නිරුවත් ඇසින් වුණත් දකින්න පුළුවන්. ඒත් වඩාත් පැහැදිලිව දැකගන්න කැමති නම් කුඩා දුරේක්ෂයක් හෝ බයිනොකියුලර් එකක් භාවිතා කිරීම වඩාත් සුදුසුයි. මෙවැනි දුර්ලභ ග්‍රහ පිහිටීමක් නැවත දකින්න ලැබෙන්නේ 2147 වසරේදී නිසා, මේ අවස්ථාව මඟහැරගන්න එපා කියලා තාරකා විද්‍යාඥයන් පවසනවා.
තවත් විශේෂ දෙයක් තමයි, ඔබ දුරේක්ෂයකින් බලනවා නම් යුරේනස් අසලින්ම තවත් කුඩා තාරකාවක් දකින්න ලැබෙයි. ඒක HIP 19146 ලෙස හඳුන්වන තාරකාවක්. අඟහරු සහ යුරේනස් මෙතරම් ආසන්නයෙන් පිහිටන අවස්ථාවක් දකින්න ලැබෙන්නේ වසර 40කට වරක් වගේ නිසා, මේ සෙනසුරාදා අලුයම අහස දෙස බලා මේ විශ්මිත දසුන අත්විඳින්න කියලා අපි ඔබට ආරාධනා කරනවා.
Discussion & Feedback