ප්රංශයේ පැරිස් නුවරට දකුණු දෙසින් පිහිටි ඓතිහාසික ෆොන්ටේන්බ්ලෝ වනාන්තරයේ හටගත් දැවැන්ත ගින්නක් සම්බන්ධයෙන් ස්වේච්ඡා ගිනි නිවන භටයෙකු ඇතුළු දෙදෙනෙකු සැකපිට අත්අඩංගුවට ගෙන තිබෙනවා. මෙම ගින්න හේතුවෙන් වනාන්තරයෙන් 10%ක් පමණ විනාශ වී ඇති අතර, හෙක්ටයාර 2,000කට අධික භූමි ප්රමාණයක් ගින්නට හසුවීම නිසා පුද්ගලයින් 1,000ක් පමණ ආරක්ෂිත ස්ථාන වෙත ඉවත් කිරීමට බලධාරීන් පියවර ගත්තා. මුලින් ගින්න ඇති කළ බවට පාපොච්චාරණය කළ 18 හැවිරිදි මෙම ස්වේච්ඡා ගිනි නිවන භටයා පසුව එම ප්රකාශය ආපසු හරවා ගෙන තිබීම විශේෂත්වයක්.
ප්රංශ ජනාධිපති එමානුවෙල් මැක්රොන් පවසන්නේ දෙවන ලෝක යුද්ධයෙන් පසු ප්රංශයේ මෙවැනි දරුණු ගිනි තැබීම් රැල්ලක් වාර්තා නොවූ බවයි. දේශගුණික විපර්යාස සහ අධික උෂ්ණත්වය හේතුවෙන් යුරෝපය පුරාම මෙවැනි ලැව්ගිනි බහුලව දක්නට ලැබෙන අතර, මෙම වසරේ පමණක් ප්රංශයෙන් ගිනි ගැනීම් 11,000ක් පමණ වාර්තා වී තිබෙනවා. යුනෙස්කෝ ලෝක උරුමයක් වන ෆොන්ටේන්බ්ලෝ වනාන්තරය ආරක්ෂා කර ගැනීමට සහ ගින්න පාලනය කිරීමට දැඩි උත්සාහයක් ගත්තද, තවමත් ගින්න සම්පූර්ණයෙන්ම නිවා දැමීමට නොහැකි වී තිබෙනවා. ගින්න ඇති කළ පුද්ගලයින්ට එරෙහිව දැඩි නීතිමය පියවර ගන්නා බව ජනාධිපතිවරයා අවධාරණය කරනවා.

Discussion & Feedback