යේමනයේ මාරිබ් ප්රදේශයට ඉහළින් පියාසර කරමින් තිබූ සෞදි අරාබියට අයත් F-15 වර්ගයේ ප්රහාරක ජෙට් යානයක් හූති කැරලිකරුවන් විසින් වෙඩි තබා බිම හෙළා තිබෙනවා. මෙම සිදුවීමට අදාළ වීඩියෝ දර්ශන මේ වන විට බීබීසී (BBC) ආයතනය විසින් විමර්ශනය කර තහවුරු කරගෙන ඇති අතර, යානය කඩා වැටුණු ස්ථානය මාරිබ් නගරයට බටහිර දෙසින් පිහිටි හුදෙකලා කඳුකර ප්රදේශයක් බව චන්ද්රිකා තාක්ෂණය ඔස්සේ හෙළි වී තිබෙනවා. හූති කැරලිකරුවන් පවසන්නේ තමන් විසින්ම නිෂ්පාදනය කරන ලද මිසයිලයක් භාවිතයෙන් මෙම යානය බිම හෙළුෑ බවයි. වීඩියෝ දර්ශනවල සෞදි ධජය සහිත යානයේ කොටස් සහ එහි අනුක්රමික අංකය පැහැදිලිව දැකගත හැකි වන අතර, මෙය හූතිවරුන්ගේ යුධ ශක්තිය ඉහළ ගොස් ඇති බවට කදිම සාක්ෂියක් ලෙස විචාරකයන් පෙන්වා දෙනවා.
මෙම සිදුවීම සෞදි අරාබියට එල්ල වූ විශාල ප්රචාරක පහරක් ලෙසයි ජාත්යන්තර විචාරකයන් හඳුන්වන්නේ. ඉරානයේ තාක්ෂණික සහයෝගය ඇතිව හූති කැරලිකරුවන් සිය යුධ අවි ගබඩාව දිනෙන් දින දියුණු කරමින් සිටින බවත්, සෞදි අරාබියට එරෙහිව ඔවුන් වඩාත් ප්රබල ප්රහාර එල්ල කිරීමට සූදානම් බවත් මෙම සිදුවීමෙන් පැහැදිලි වෙනවා. මීට පෙර සෞදි ගුවන් හමුදා කඳවුරු ඉලක්ක කර ගනිමින් ද හූතිවරුන් ප්රහාර එල්ල කර තිබූ අතර, මේ වන විට දෙපාර්ශවය අතර පවතින ගැටුම් තවදුරටත් උග්ර වෙමින් පවතින බවයි වාර්තා වන්නේ. කෙසේ වෙතත්, මෙම සිදුවීම සම්බන්ධයෙන් සෞදි ආරක්ෂක අමාත්යාංශය මෙතෙක් නිල වශයෙන් අදහස් දක්වා නැහැ.

Discussion & Feedback