RRR චිත්‍රපටයේ දැවැන්ත සාර්ථකත්වයෙන් පස්සේ ප්‍රේක්ෂකයෝ ගොඩක් ආසාවෙන් බලාගෙන ඉන්න එස්. එස්. රාජමෞලිගේ අලුත්ම නිර්මාණය තමයි ‘වාරණාසි’. පසුගිය ජූලි 18 වැනිදාට යෙදුණු ප්‍රියංකා චොප්රාගේ උපන්දිනය සමරන්න මේ චිත්‍රපටයේ ඇය රඟපාන ‘මන්දාකිනී’ චරිතයේ පළමු පෙනුම ඇතුළත් ඡායාරූප කිහිපයක් එළිදක්වලා තියෙනවා. මේ චිත්‍රපටයේ ප්‍රියංකා එක්ක මහේෂ් බාබු සහ පෘථිවිරාජ් සුකුමාරන් වගේ දැවැන්ත නළු නිළියන් රංගනයෙන් දායක වෙනවා. වසර දහස් ගණනක් පුරා දිවෙන මේ කතාව ඇන්ටාක්ටිකාවේ ඉඳන් අප්‍රිකාව දක්වා ලෝකයේ විවිධ රටවල රූගත කිරීම් සිද්ධ වෙනවා.
රාජමෞලි එක්ක වැඩ කරන එක ගැන ප්‍රියංකා කියන්නේ ඔහු රූගත කිරීම් අතරතුර තමන්ගේ චරිතය ගැන සම්පූර්ණ නිදහසක් ලබා දෙන බවයි. ඒ වගේම RRR චිත්‍රපටයේ ‘නාටු නාටු’ ගීතයට සංගීතය සැපයූ එම්. එම්. කීරවානි මේ චිත්‍රපටයටත් සංගීතයෙන් දායක වෙනවා. 2027 අප්‍රේල් 7 වැනිදා ලොව පුරා තිරගත වෙන්න නියමිත මේ චිත්‍රපටය ගැන රසිකයන් ඉන්නේ ලොකු බලාපොරොත්තුවකින්. මේ අතරේ ප්‍රියංකා තවත් අලුත් චිත්‍රපටයකටත් සම්බන්ධ වෙලා ඉන්නවා. ‘රිසෙට්’ (Reset) නමින් හැඳින්වෙන ඒ චිත්‍රපටයේ ඇය ඕර්ලන්ඩෝ බ්ලූම් එක්ක රඟපානවා. කොහොම වුණත්, රාජමෞලිගේ මේ අලුත්ම සිනමා අත්දැකීම බලන්න නම් තව ටික කාලයක් ඉවසන්න වෙනවා.
Discussion & Feedback