ඇමරිකාවේ 250 වැනි සංවත්සරය වෙනුවෙන් පැවැත්වෙන ‘ෆ්රීඩම් 250’ උත්සවයේදී ප්රසංගයක් පැවැත්වීමට නියමිතව සිටි ප්රසිද්ධ ගායක වැනිලා අයිස්ගේ ප්රසංගය හදිසියේම අවලංගු කරලා තියෙනවා. වොෂින්ටන් ඩී.සී. ප්රදේශයේ පවතින අයහපත් කාලගුණික තත්ත්වය හේතුවෙන් මෙම තීරණය ගත් බවයි උත්සව සංවිධායකයින් නිවේදනය කළේ. ප්රසංගය පැවැත්වීමට නියමිතව තිබූ ‘ග්රේට් ඇමරිකන් ස්ටේට් ෆෙයාර්’ සහ ෆිෆා ලෝක කුසලාන ෆෑන් සෝන් එක සිකුරාදා දින මුළුමනින්ම වසා දැමීමට ඔවුන් පියවර ගත්තා. සහභාගී වන සියලු දෙනාගේ ආරක්ෂාව වෙනුවෙන් මෙම පියවර ගත් බවත්, තත්ත්වය නිරීක්ෂණය කරමින් ඉදිරි කටයුතු සිදු කරන බවත් ඔවුන් වැඩිදුරටත් සඳහන් කර තිබෙනවා.
ප්රසංගය අවලංගු කිරීමට සුළු මොහොතකට පෙර වැනිලා අයිස් තමන්ගේ සවුන්ඩ් චෙක් එකේ වීඩියෝවක් සමාජ මාධ්යයට එක් කරමින් ඉතා උද්යෝගයෙන් ප්රසංගය ගැන කතා කරලා තිබුණා. දේශපාලන මතභේද නිසා බොහෝ කලාකරුවන් මෙම උත්සවයෙන් ඉවත් වුණත්, වැනිලා අයිස් තමන්ගේ සහභාගීත්වය තහවුරු කරමින් කියා සිටියේ මෙය දේශපාලන වේදිකාවක් නොව ඇමරිකාවේ උපන්දිනය සමරන උත්සවයක් බවයි. රට බෙදන දේශපාලන කතා පසෙකලා සියලු දෙනා එකතු වී විනෝද වීම තම අරමුණ බව ඔහු අවධාරණය කර තිබුණා. කෙසේ වෙතත්, කාලගුණයේ බලපෑම නිසා රසිකයන්ට බලාපොරොත්තු වූ අයුරින්ම ඔහුගේ ගීත රසවිඳීමට නොහැකි වීම කනගාටුදායක සිදුවීමක් වුණා.

Discussion & Feedback