මධ්යම පෙරදිග කලාපයේ උණුසුම් තත්ත්වය තවත් උත්සන්න කරමින් ඇමරිකානු නාවික හමුදා යාත්රා ඉලක්ක කරගෙන ඉරාන විප්ලවීය ආරක්ෂක බළකාය විසින් බැලස්ටික් මිසයිල ප්රහාර මාලාවක් එල්ල කර තිබෙනවා. පසුගිය සැප්තැම්බර් 05 වැනිදා සිදු වූ මෙම ප්රහාරයේදී ඇමරිකානු ගුවන් යානා ප්රවාහන නෞකාවක් සහ මිසයිල විනාශකාරී නෞකාවක් ඉලක්ක වුවත්, ඔවුන් එම ප්රහාරවලින් සාර්ථකව බේරී තිබෙනවා. වාසනාවකට මෙන් මෙම සිදුවීමෙන් කිසිදු ඇමරිකානු සෙබළෙකුට හානියක් සිදුවී නැහැ.
මෙම ප්රහාරයට ක්ෂණිකව ප්රතිචාර දක්වමින් ඇමරිකානු මධ්යම අණදෙන මධ්යස්ථානය (CENTCOM) විසින් ඉරානයට අයත් බොරතෙල් ප්රවාහන නෞකා තුනකට ප්රහාර එල්ල කර තිබෙනවා. ඉරානයේ තස්නිම් පුවත් සේවය පවා තහවුරු කරන්නේ කාර්ග් දූපත අසල තිබූ ඉරාන තෙල් නැවක් ඇමරිකානු ප්රහාරයකට ලක්වූ බවයි. පසුගිය සැප්තැම්බර් පළමුවැනිදාත් ඇමරිකාව විසින් ඉරානයේ ගුවන් ආරක්ෂක පද්ධති සහ රේඩාර් මධ්යස්ථාන ඉලක්ක කර ප්රහාර මාලාවක් දියත් කළා.
දෙරට අතර පවතින මෙම ගැටුම්කාරී වාතාවරණය හේතුවෙන් කලාපයේ ආරක්ෂාව සම්බන්ධයෙන් ලෝකයේම අවධානය යොමුවෙලා තියෙනවා. දිගින් දිගටම සිදුවන මෙම ප්රහාර හුවමාරු වීම් නිසා ඉදිරියේදී තත්ත්වය තවත් බරපතළ විය හැකි බවටයි විදෙස් මාධ්ය වාර්තා කරන්නේ. කෙසේ වෙතත්, දෙපාර්ශවයම තමන්ගේ හමුදාමය ශක්තිය පෙන්වීමට උත්සාහ කරන ආකාරයක් මේ සිදුවීම්වලින් පැහැදිලිවම දැකගන්න පුළුවන්.

Discussion & Feedback