ඇමරිකානු තානාපති කාර්යාල නිලධාරීන් සහ ඔත්තු සේවා සාමාජිකයන් ඉලක්ක කරගෙන මතු වූ අභිරහස් ‘හවානා සින්ඩ්රෝම්’ රෝගී තත්ත්වය සම්බන්ධයෙන් ඇමරිකානු රජය මේ වන විට ඇමරිකානු ඩොලර් මිලියන 3ක වන්දියක් ගෙවීමට පියවර අරන් තියෙනවා. 2016 වසරේදී කියුබාවේදී මුලින්ම වාර්තා වුණු මේ රෝගී තත්ත්වය නිසා පීඩාවට පත් වුණු තානාපති නිලධාරීන්ට සහ ඔවුන්ගේ පවුල්වල සාමාජිකයන්ට මේ වන්දි මුදල් හිමිවන්නේ 2021 වසරේ සම්මත කරගත් ‘හවානා පනත’ යටතේයි. මේ රෝගීන් තමන්ට ඇසුණු අමුතු ශබ්ද, හිසෙහි ඇති වුණු තදබල පීඩනය, කරකැවිල්ල සහ ඔක්කාරය වැනි බරපතළ රෝග ලක්ෂණ ගැන දීර්ඝ කාලයක සිට පැමිණිලි කරමින් සිටියා.
මේ රෝගී තත්ත්වය පිටුපස විදේශීය බලවතෙකුගේ රහසිගත සෝනාර් අවියක් හෝ මයික්රෝවේව් තාක්ෂණයක් තිබිය හැකි බවට වසර ගණනාවක් පුරා ලෝකය පුරාම ලොකු කතාබහක් ඇති වුණා. නමුත් පසුගිය වසරේදී ඇමරිකානු බුද්ධි අංශ වාර්තා කළේ විදේශීය බලවේගයක් විසින් මෙවැනි නවීන අවියක් භාවිත කර ඇමරිකානු නිලධාරීන්ට හානි කළා යැයි සිතීම ඉතාම අඩු ඉඩක් පවතින බවයි. කෙසේ වෙතත්, රෝගීන් අත්විඳි ශාරීරික වේදනාවන් සහ ඔවුන්ගේ පීඩාවන් කිසිසේත්ම සැකයට ලක් නොකරන බවත්, ඔවුන්ට අවශ්ය වෛද්ය සහන සහ රැකවරණය ලබා දීම රජයේ ප්රමුඛතාවයක් බවත් ඇමරිකානු ආරක්ෂක දෙපාර්තමේන්තුව අවධාරණය කරනවා. චීනය ඇතුළු ලෝකයේ තවත් රටවල් කිහිපයකින්ම මෙවැනි අසාමාන්ය සෞඛ්ය ගැටලු වාර්තා වී තිබීම නිසා මේ සිදුවීම තවමත් ලෝකයේ ලොකුම අභිරහසක් විදිහට ඉතිරි වෙලා තියෙනවා.

Discussion & Feedback