හොර්මුස් සමුද්ර සන්ධිය හරහා ගමන් කරමින් තිබූ සිංගප්පූරු ධජය සහිත ‘එවර් ලව්ලි’ නමැති භාණ්ඩ ප්රවාහන නෞකාවට ඉරානය විසින් ඩ්රෝන ප්රහාරයක් එල්ල කිරීමත් සමඟ මැදපෙරදිග කලාපයේ උණුසුම් තත්ත්වයක් නිර්මාණය වෙලා තියෙනවා. මේ ප්රහාරයට ප්රතිචාර දක්වමින් ඇමරිකානු මධ්යම අණදෙන මධ්යස්ථානය (CENTCOM) පසුගිය සිකුරාදා ඉරානයේ මිසයිල සහ ඩ්රෝන ගබඩා මෙන්ම වෙරළබඩ රේඩාර් මධ්යස්ථාන ඉලක්ක කරගෙන ප්රහාර මාලාවක් දියත් කළා. වාණිජ නෞකාවලට එල්ල කරන මෙවැනි අසාධාරණ ප්රහාරවලට තමන් කිසිසේත්ම ඉඩ නොදෙන බවත්, මෙය ඉතා බලවත් ප්රතිචාරයක් බවත් ඇමරිකාව පවසනවා.
කෙසේ වෙතත්, ඉරානය පවසන්නේ අදාළ නෞකාව අවසරයකින් තොරව තීරණාත්මක ජල මාර්ගයක් ඔස්සේ ගමන් කිරීම නිසා ප්රහාරය එල්ල කළ බවයි. ජුනි මාසයේදී දෙරට අතර ඇති කරගත් සටන් විරාම ගිවිසුම ඇමරිකාව විසින් උල්ලංඝනය කර ඇති බවට ඉරාන විප්ලවීය ආරක්ෂක බලකාය චෝදනා කරනවා. මේ ගැටුම්කාරී වාතාවරණය නිසා කලාපයේ සිරවී සිටින නාවිකයන් 11,000කට අධික පිරිසක් ඉවත් කර ගැනීමේ සැලසුම් ජාත්යන්තර සමුද්රීය සංවිධානය විසින් තාවකාලිකව අත්හිටුවීමට තීරණය කර තිබෙනවා.
ඇමරිකානු උප ජනාධිපති ජේ.ඩී. වැන්ස් අනතුරු අඟවා සිටින්නේ ප්රචණ්ඩත්වයට ප්රචණ්ඩත්වයෙන්ම පිළිතුරු දෙන බවයි. දෙරට අතර සාකච්ඡා පැවැත්වෙන අතරතුර මෙවැනි ප්රහාර එල්ල කිරීම සම්බන්ධයෙන් ඉරාන බලධාරීන් දැඩි විරෝධයක් පළ කරනවා. ඉදිරියේදී මේ තත්ත්වය තවත් උග්ර වේවිද නැත්නම් සාමකාමී විසඳුමකට යොමු වේවිද යන්න ලෝකයේම අවධානයට ලක්වෙලා තියෙනවා.

Discussion & Feedback