ඇමරිකානු හමුදාව විසින් ඉරානයේ පිහිටි ඉලක්ක කිහිපයක් ඉලක්ක කරගෙන නව ප්රහාර මාලාවක් දියත් කර තිබෙනවා. හොර්මුස් සමුද්ර සන්ධිය ආශ්රිතව වාණිජ නෞකාවලට එල්ල වූ ප්රහාර හේතුවෙන් දෙරට අතර පවතින නොසන්සුන්තාව මේ වන විට උග්ර අතට හැරී ඇති බවයි වාර්තා වෙන්නේ. ඇමරිකානු මධ්යම විධානය තහවුරු කරන පරිදි, ඉරානයේ ඉස්ලාමීය විප්ලවවාදී ආරක්ෂක බලකායට සම්බන්ධ ස්ථාන ඉලක්ක කරගෙන මෙම මෙහෙයුම් සිදු කෙරෙනවා. ඉරානයේ දකුණු සහ ගිනිකොනදිග ප්රදේශවල පිපිරීම් කිහිපයක් ඇසුණු බව එරට මාධ්ය වාර්තා කරන අතර, විශේෂයෙන්ම කෙෂ්ම් දූපත සහ චබාහාර් වැනි ප්රදේශවලට ප්රහාර එල්ල වී තිබෙනවා.
මෙම ගැටුම තවත් උත්සන්න වුණේ පසුගිය දින කිහිපයේදී දෙපාර්ශ්වයම එකිනෙකාට එරෙහිව ප්රහාර එල්ල කර ගැනීමත් සමඟයි. ඉරාන හමුදා විසින් ජෝර්දානයේ පිහිටි ඇමරිකානු හමුදා කඳවුරු ඉලක්ක කර ප්රහාර එල්ල කිරීමෙන් පසුව ඇමරිකානු ජනාධිපතිවරයා ඊට දැඩි ප්රතිචාරයක් ලබා දෙන බවට පොරොන්දු වුණා. මේ අතර, ඉරාන පාර්ලිමේන්තු කථානායක මොහොමඩ් බාගර් ගාලිබාෆ් අනතුරු අඟවා සිටින්නේ, ඇමරිකාව ඉරානයේ තෙල් අපනයනයට බාධා කිරීමට උත්සාහ කළහොත්, කිසිවෙකුටත් ගල්ෆ් කලාපයෙන් තෙල් අපනයනය කිරීමට ඉඩ නොතබන බවයි.
ලෝකයේ තෙල් ප්රවාහනයේ වැදගත්ම මාර්ගයක් වන හොර්මුස් සමුද්ර සන්ධිය ආශ්රිතව පවතින මෙම උණුසුම් තත්ත්වය, කලාපීය යුද්ධයක් දක්වා වර්ධනය වේදැයි ලෝක ප්රජාව දැඩි අවධානයකින් පසුවනවා. දැනට ලැබෙන තොරතුරු අනුව ප්රහාරවලින් සිදුවූ හානි පිළිබඳව පරීක්ෂණ සිදු කෙරෙන අතර, ඉදිරියේදී තත්ත්වය තවත් බරපතළ වීමේ අවදානමක් පවතිනවා.

Discussion & Feedback