ඇමරිකානු රජය විසින් ජනතාවගේ පෞද්ගලික තොරතුරු සොයා බැලීමට සහ ඔත්තු බැලීමට භාවිතා කරන ස්පයිවෙයාර් (spyware) තාක්ෂණය පිළිබඳව තොරතුරු ප්රසිද්ධ කිරීමට එරට අධිකරණ පද්ධතිය තීරණය කර තිබෙනවා. 1998 වසරේ සිටම එෆ්.බී.අයි (FBI) වැනි ආයතන විවිධ හැකින් ක්රමවේද සහ ස්පයිවෙයාර් භාවිතා කළත්, ඒවා කොපමණ වාරයක් භාවිතා කර ඇත්දැයි මෙතෙක් නිල දත්ත වාර්තා වී තිබුණේ නැහැ. කෙසේ වෙතත්, 2029 වසරේ සිට අධිකරණ බලය යටතේ මෙවැනි තාක්ෂණික මෙවලම් කොපමණ වාරයක් භාවිතා කර ඇත්ද යන්න වාර්ෂිකව ප්රසිද්ධ කිරීමට නියමිතයි.
මෙම තීරණය ගෙන ඇත්තේ සෙනෙට් සභික රොන් වයිඩන් ඇතුළු පිරිසක් රජයේ ඔත්තු බැලීමේ ක්රියාවලිය සම්බන්ධයෙන් පවතින රහස්යභාවය විවේචනය කිරීමෙන් පසුවයි. විශේෂයෙන්ම වට්ස්ඇප් (WhatsApp) හෝ සිග්නල් (Signal) වැනි යෙදුම් හරහා සිදුවන සන්නිවේදනයන් නිරීක්ෂණය කිරීමට මෙම ස්පයිවෙයාර් භාවිතා කරන අතර, එම දත්ත ප්රසිද්ධ කිරීම මගින් රජයේ ක්රියාකාරකම් සම්බන්ධයෙන් වගවීමක් ඇති කළ හැකි බව විශේෂඥයන් පවසනවා. මෙය පුද්ගලිකත්වයට එල්ල වන තර්ජන අවම කර ගැනීමට සහ රජයේ ඔත්තු බැලීමේ ක්රියාවලිය විනිවිදභාවයකින් යුතුව පවත්වාගෙන යාමට ලැබෙන විශාල ජයග්රහණයක් ලෙසයි සැලකෙන්නේ.
කෙසේ වෙතත්, මෙම දත්ත වාර්තා මගින් හෙළි වන්නේ සන්නිවේදන කටයුතු නිරීක්ෂණය කිරීම සඳහා පමණක් භාවිතා කරන ස්පයිවෙයාර් ගැන පමණයි. දුරකථනයක් හැක් කර එහි ඇති ඡායාරූප හෝ ගොනු ලබා ගැනීම වැනි වෙනත් නීතිමය ක්රියාවලීන් මෙම වාර්තාවලට ඇතුළත් වන්නේ නැහැ. කෙසේ වුණත්, වසර ගණනාවක් තිස්සේ පැවති මෙම රහස්යභාවය අවසන් වීම සාමාන්ය ජනතාවට තම පෞද්ගලිකත්වය ආරක්ෂා කර ගැනීමේ අයිතිය තහවුරු කර ගැනීමට ලැබෙන හොඳ අවස්ථාවක් වනු ඇති.

Discussion & Feedback