ඇමරිකානු බිලියනපති ආයෝජකයෙක් වන ලියොන් බ්ලැක්, ජෙෆ්රි එප්ස්ටීන් සම්බන්ධයෙන් සිදුකරන කොන්ග්රස් පරීක්ෂණයට පෙනී සිටීම ප්රතික්ෂේප කරමින්, ඊට එරෙහිව නඩු පවරා තිබෙනවා. එප්ස්ටීන්ගේ අඳුරු ගනුදෙනු සම්බන්ධයෙන් ප්රශ්න කිරීම සඳහා කොන්ග්රස් මණ්ඩලය විසින් ඔහුට කැඳවීම් පත්ර නිකුත් කර තිබුණත්, බ්ලැක් පවසන්නේ එම කැඳවීම් නීතිවිරෝධී බවයි. ජුනි මාසයේදී ඔහු ස්වේච්ඡාවෙන් සාක්ෂි දීමට ගියත්, තමන් අත්සන් කළ රහස්ය ගිවිසුම් (NDAs) සම්බන්ධයෙන් ප්රශ්න කිරීමේදී ඔහු එම ස්ථානයෙන් පිටව ගොස් තිබුණා. තමන් එප්ස්ටීන් සමඟ කිසිදු නීතිවිරෝධී සම්බන්ධයක් පවත්වා නැති බව ඔහු දිගින් දිගින්ම පවසනවා.
බ්ලැක්ගේ නීතිඥවරිය පවසන්නේ මෙය සත්යය සෙවීමට වඩා බ්ලැක්ව විනාශ කිරීමේ උත්සාහයක් බවයි. කෙසේ වෙතත්, කොන්ග්රස් මණ්ඩලයේ සාමාජිකයන් පවසන්නේ බ්ලැක්ගේ මෙම හැසිරීම පිළිගත නොහැකි බවත්, ඔහු වහාම අධිකරණයට අපහාස කිරීමේ චෝදනාව යටතේ නීතිය හමුවට පැමිණවිය යුතු බවත්ය. බ්ලැක් තමන් එප්ස්ටීන්ට වත්කම් කළමනාකරණ උපදේශකයෙකු ලෙස විශාල මුදලක් ගෙවූ බව පිළිගත්තත්, ඔහුගේ නීතිවිරෝධී ක්රියා ගැන දැන සිටියේ නැති බවයි පවසන්නේ. මේ වන විට ඔහු මෙම පරීක්ෂණයෙන් බේරීමට උත්සාහ කරන්නේ නීතිමය ක්රියාමාර්ග හරහා බව පෙනෙන්නට තිබෙනවා. මෙම සිදුවීම ඇමරිකාවේ මේ වන විට විශාල කතාබහකට ලක්වෙලා තියෙනවා.

Discussion & Feedback