මේ දිනවල ලෝකය පුරා ඉන්න ඇපල් භාවිතා කරන්නන් විශාල පිරිසකට තමන්ගේ දුරකථන ඔත්තු බැලීමේ මෘදුකාංග (Spyware) ප්රහාරයකට ලක්වෙලා තියෙනවා කියලා අනතුරු ඇඟවීමේ පණිවිඩ ලැබිලා තියෙනවා. රටවල් 110ක භාවිතා කරන්නන් ඉලක්ක කරගෙන ඇපල් සමාගම මේ පණිවිඩ නිකුත් කරලා තියෙන්නේ. සාමාන්යයෙන් රජයන් විසින් භාවිතා කරන මෙවැනි ‘Mercenary Spyware’ ප්රහාරයන් ගැන ඇපල් සමාගම කලින් කලට පාරිභෝගිකයන්ව දැනුවත් කරනවා. හැබැයි මේ පාර ලැබිලා තියෙන අනතුරු ඇඟවීම් ප්රමාණය පෙර නොවූ විරූ තරම් ඉහළ මට්ටමක පවතින බවයි සයිබර් ආරක්ෂක විශේෂඥයන් පෙන්වා දෙන්නේ.
විශේෂයෙන්ම යුක්රේන හමුදා සෙබළුන් ඇතුළු විවිධ ක්ෂේත්රවල පුද්ගලයන්ට මේ පණිවිඩ ලැබී ඇති බව වාර්තා වෙනවා. මේ ගැන අදහස් දක්වන විශේෂඥයන් කියන්නේ, ඇපල් සමාගම මේ වසරේ සිට සිය දැනුවත් කිරීමේ ක්රමවේදය වෙනස් කරලා, ලොක් ස්ක්රීන් එකේ සහ සැකසුම් (Settings) හරහා කෙලින්ම පණිවිඩ යැවීම නිසා මිනිසුන්ට මේ ගැන වඩා හොඳ අවබෝධයක් ලැබිලා තියෙනවා කියලයි. මේක සාමාන්ය දෙයක් නෙවෙයි, ඒ නිසා ඔබටත් එවැනි පණිවිඩයක් ලැබිලා තියෙනවා නම් ඒක සුළුපටු දෙයක් විදිහට නොසලකා හැරිය යුතු නැහැ.
සයිබර් ආරක්ෂක පර්යේෂකයන් පවසන විදිහට, මේක අපි හිතනවාට වඩා විශාල ප්රහාර මාලාවක ආරම්භයක් වෙන්න පුළුවන්. ඒ නිසා ඔබ ඇපල් භාවිතා කරන්නෙක් නම්, ඔබේ ගිණුමේ ආරක්ෂාව ගැන වැඩි අවධානයක් යොමු කරන්න. විශේෂයෙන්ම මාධ්යවේදීන්, සමාජ ක්රියාකාරීන් හෝ රජයේ නිලධාරීන් ඉලක්ක කරගෙන මෙවැනි ප්රහාර එල්ල වීමේ වැඩි ඉඩක් තියෙනවා. ඒ නිසා ඇපල් සමාගම ලබා දීලා තියෙන උපදෙස් අනුගමනය කරලා ඔබේ උපාංගයේ ආරක්ෂාව තහවුරු කරගන්න එක ඉතාම වැදගත්.

Discussion & Feedback