රුසියාවේ ගැඹුරු ප්රදේශවල පිහිටි තෙල් පිරිපහදු දෙකක් ඉලක්ක කරගෙන යුක්රේනය විසින් දැවැන්ත ඩ්රෝන ප්රහාර මාලාවක් එල්ල කර තිබෙනවා. රුසියාවේ යුද කටයුතු සඳහා අවශ්ය ආදායම සීමා කිරීමේ අරමුණින් මෙම ප්රහාර දියත් කළ බව යුක්රේන ජනාධිපති වොලොඩිමියර් සෙලෙන්ස්කි පවසනවා. විශේෂයෙන්ම යාරොස්ලාව් කලාපයේ පිහිටි ස්ලාව්නෙෆ්ට්-යනොස් තෙල් පිරිපහදුවට එල්ල වූ ප්රහාරයෙන් විශාල ගින්නක් හටගෙන ඇති අතර, එම ප්රදේශයට ඩ්රෝන යානා 90කට අධික ප්රමාණයක් පැමිණි බව රුසියානු බලධාරීන් තහවුරු කරනවා. මීට අමතරව කළු මුහුදේ තිබූ රුසියානු මුර සංචාරක යාත්රා සහ තෙල් ප්රවාහන නෞකා කිහිපයකටත් යුක්රේනය පහර දී තිබෙනවා.
මේ අතර, රුසියාව විසින් ද යුක්රේනයේ නගර රැසක් ඉලක්ක කරගෙන දරුණු ප්රහාර මාලාවක් දියත් කර තිබෙනවා. කාර්කිව් සහ ඩ්නිප්රොපෙට්රොව්ස්ක් වැනි ප්රදේශවලට එල්ල වූ ප්රහාරවලින් සාමාන්ය වැසියන් 11 දෙනෙකු පමණ ජීවිතක්ෂයට පත්ව ඇති අතර, කෙර්සන් නගරයේ විදුලිය සම්පූර්ණයෙන්ම ඇනහිට තිබෙනවා. රුසියාවේ බලශක්ති සහ ප්රවාහන පහසුකම් ඉලක්ක කර යුක්රේනය ප්රහාර එල්ල කරන අතරතුර, රුසියාව ද යුක්රේනයේ යටිතල පහසුකම් විනාශ කරමින් ප්රතිප්රහාර එල්ල කිරීම නිසා දෙරට අතර යුද උණුසුම තවදුරටත් උත්සන්න වී තිබෙනවා. සාම සාකච්ඡා සඳහා කිසිදු ඉඩක් නොමැතිව දෙපාර්ශවයම මෙලෙස එකිනෙකාගේ ප්රධාන ඉලක්ක වෙත පහර දීම නිසා යුද්ධය තවදුරටත් ඇදී යන බවක් පෙනෙන්නට තිබෙනවා.

Discussion & Feedback