ලෝක ප්රකට Uber සමාගමට නෙදර්ලන්තයේ දත්ත ආරක්ෂණ අධිකාරිය විසින් යුරෝ මිලියන 825ක දැවැන්ත දඩ මුදලක් නියම කරලා තියෙනවා. මේක යුරෝපීය දත්ත ආරක්ෂණ නීති යටතේ පනවපු දෙවැනි විශාලතම දඩය විදිහටයි සැලකෙන්නේ. Uber සමාගම විසින් කිසිදු මිනිස් මැදිහත්වීමකින් තොරව, ස්වයංක්රීය පරිගණක පද්ධතියක් හරහා රියදුරන්ගේ ගිණුම් අත්හිටුවීම සම්බන්ධයෙන් ලැබුණු පැමිණිලි ගණනාවක් පදනම් කරගෙන තමයි මේ පියවර අරන් තියෙන්නේ. රියදුරන්ට කිසිදු අනතුරු ඇඟවීමක් හෝ සාධාරණ විමර්ශනයක් නැතුව ඔවුන්ගේ රැකියා අහිමි කිරීම බරපතල වරදක් බව බලධාරීන් පෙන්වා දෙනවා.
මේ සිද්ධියට මුල් වුණේ ප්රංශයේ හිටපු Uber රියදුරෙක් වන බ්රාහිම් බෙන් අලි ඇතුළු රියදුරන් පිරිසක්. ඔවුන් තමන්ට සිදුවුණු අසාධාරණය ගැන නෙදර්ලන්ත බලධාරීන්ට පැමිණිලි කරලා තිබුණා. නමුත් Uber සමාගම මේ චෝදනා ප්රතික්ෂේප කරනවා. ඔවුන් කියන්නේ රියදුරන්ගේ ගිණුම් අත්හිටුවීම තාවකාලික බවත්, ස්ථිරවම ගිණුම් අත්හිටුවන අවස්ථාවලදී මිනිස් අධීක්ෂණයක් සිදුකරන බවත්ය. කෙසේ වෙතත්, මේ තීරණයට එරෙහිව අභියාචනයක් ඉදිරිපත් කරන බවත්, පනවා ඇති දඩ මුදල අසාධාරණ බවත් Uber සමාගම පවසනවා. මේ සිදුවීමත් එක්කම, පීඩාවට පත් රියදුරන්ට වන්දි ලබාගැනීම සඳහා නීතිමය ක්රියාමාර්ග ගැනීමටත් මේ වන විට කටයුතු සූදානම් වෙමින් පවතිනවා.

Discussion & Feedback