ප්‍රසිද්ධ සුපිරි නිරූපිකාවක් වන ටයිරා බෑන්ක්ස් සහ නෙට්ෆ්ලික්ස් ආයතනය අතර මේ දිනවල ලොකු නීතිමය ගැටුමක් ඇතිවෙලා තියෙනවා. ඒ ‘Reality Check: Inside America’s Next Top Model’ වාර්තා වැඩසටහන සම්බන්ධයෙන්. ටයිරා චෝදනා කරන්නේ මේ වැඩසටහනේදී ඇයව වැරදි විදිහට පෙන්වන්න වීඩියෝ දර්ශන හිතාමතාම වෙනස් කරලා තියෙනවා කියලා. ඇය මේ සම්බන්ධයෙන් නෙට්ෆ්ලික්ස් ආයතනයට විරුද්ධව නඩුවක් පවරා තියෙනවා. නෙට්ෆ්ලික්ස් මේ නඩුව ඉවත් කරන්න උත්සාහ කළත්, ටයිරාගේ නීතිඥ කණ්ඩායම ඊට එරෙහිව වීඩියෝ සාක්ෂි රැසක් අධිකරණයට ඉදිරිපත් කරලා තියෙනවා.
විශේෂයෙන්ම, වැඩසටහනේදී ටයිරාගේ ප්‍රතිචාර සහ ඇය පැවසූ දේවල් කපා කොටා වෙනස් කරලා තියෙන බවට ඇය චෝදනා කරනවා. උදාහරණයක් විදිහට, තරගකාරියකට සිදුවූ ලිංගික අතවරයක් ගැන ටයිරා දැන සිටියාද යන්න පිළිබඳව ඇය දුන් පිළිතුර සහ 2004 වසරේ සිදුවූ සංවාදයක් වැරදි ලෙස අර්ථකථනය කරමින් නරඹන්නන්ව නොමඟ යවා ඇති බව ඇය පෙන්වා දෙනවා. මේ නිසා ඇයට විශාල කීර්තිනාමයක් අහිමි වී ඇති අතර මානසික පීඩනයකටත් ලක්වෙලා තියෙනවා.
මේ සම්බන්ධයෙන් නෙට්ෆ්ලික්ස් ආයතනය පවසන්නේ තමන්ගේ වාර්තා වැඩසටහන සාධාරණ බවත්, අධ්‍යක්ෂවරුන් සියලු පාර්ශ්වයන්ගේ අදහස් නිවැරදිව ඉදිරිපත් කර ඇති බවත්ය. කෙසේ වෙතත්, දෙපාර්ශ්වයම තමන්ගේ මතයේ දැඩිව සිටින නිසා මේ නඩුවේ තීන්දුව ලබන ඔක්තෝබර් 30 වැනිදා ලොස් ඇන්ජලීස් අධිකරණයේදී විභාගයට ගැනීමට නියමිතයි. මේ සිදුවීම මේ වන විට හොලිවුඩයේ ලොකු කතාබහකට ලක්වෙලා තියෙනවා.
Discussion & Feedback