බොරලැස්ගමුව, බෙල්ලන්විල ප්රදේශයේදී පුද්ගලයෙකුට වෙඩි තබා ඝාතනය කිරීමේ සිද්ධියට සම්බන්ධ සැකකරුවන් දෙදෙනෙක්ව සිද්ධිය වූ දින රාත්රියේදීම අත්අඩංගුවට ගැනීමට පොලිසිය සමත් වෙලා තියෙනවා. පසුගිය සෙනසුරාදා (ජූලි 25) දින මෙම වෙඩි තැබීම සිදුවුණේ. වෙඩි වැදීමෙන් බරපතල තුවාල ලැබූ පුද්ගලයා වහාම කළුබෝවිල රෝහලට ඇතුළත් කළත්, පසුව ඔහු මියගොස් තිබෙනවා.
සැකකරුවන් දෙදෙනා යතුරුපැදියකින් පලා යමින් සිටියදී නවගමුව පොලිසියේ නිලධාරීන් කණ්ඩායමක් විසින් රණාල ප්රදේශයේදී තමයි අත්අඩංගුවට ගෙන තියෙන්නේ. ඔවුන්ව පරීක්ෂා කිරීමේදී සන්තකයේ තිබී හෙරොයින් ග්රෑම් 6.6ක් සහ වෙඩි තැබීමට යොදාගත් බවට සැක කෙරෙන යතුරුපැදියත් පොලිසිය විසින් සොයාගෙන තිබෙනවා. අත්අඩංගුවට ගත් සැකකරුවන් වයස අවුරුදු 28 සහ 37ක් වන බකමූණ ප්රදේශයේ පදිංචිකරුවන් බවයි වාර්තා වෙන්නේ.
මේ වන විට සිද්ධිය සම්බන්ධයෙන් වැඩිදුර විමර්ශන කටයුතු නවගමුව පොලිසිය විසින් සිදුකරගෙන යනවා. ප්රදේශයේ ආරක්ෂාව සහ සැකකරුවන්ගේ පසුබිම පිළිබඳව පොලිසිය දැඩි අවධානයක් යොමු කර ඇති අතර, ඉදිරියේදී ඔවුන්ව අධිකරණයට ඉදිරිපත් කිරීමට නියමිතයි.

Discussion & Feedback