හොර්මුස් සමුද්ර සන්ධිය හරහා ගමන් කරන භාණ්ඩ ප්රවාහන නෞකා සඳහා සියයට 20ක බද්දක් පැනවීමට ජනාධිපති ඩොනල්ඩ් ට්රම්ප් ගෙන තිබූ තීරණය මේ වන විට වෙනස් කර තිබෙනවා. ඒ වෙනුවට ගල්ෆ් කලාපයේ රටවල් සමඟ දැවැන්ත වෙළඳ සහ ආයෝජන ගිවිසුම් ඇති කර ගැනීමට ඇමරිකාව තීරණය කර ඇති බවයි ට්රම්ප් පවසන්නේ. ලෝකයේ තෙල් සැපයුමෙන් විශාල කොටසක් ගමන් කරන මෙම මාර්ගයේ ආරක්ෂාව වෙනුවෙන් ඇමරිකාව විශාල වියදමක් දරන බවත්, ඒ සඳහා බද්දක් අය කිරීම වෙනුවට මෙම ආයෝජන ගිවිසුම් වඩාත් සාර්ථක වනු ඇති බවත් ඔහු වැඩිදුරටත් සඳහන් කරනවා.
මේ අතර, ඉරාන වරායන් වෙත යළිත් නාවික අවහිරතා පැනවීමට ඇමරිකාව පියවර ගෙන තිබෙනවා. ඉරානය විසින් වාණිජ නෞකාවලට එල්ල කරන ප්රහාර මැඩපැවැත්වීම සඳහා ඇමරිකානු හමුදාව ඉරානයේ ඉලක්ක කිහිපයකටම ප්රහාර එල්ල කර ඇති අතර, මේ නිසා කලාපයේ උණුසුම්කාරී තත්ත්වයක් නිර්මාණය වී තිබෙනවා. ඉරානය පවසන්නේ ඇමරිකාවේ මෙම ක්රියාමාර්ගය මගින් දෙරට අතර මීට පෙර ඇති කරගත් සාම ගිවිසුම් බිඳ වැටී ඇති බවයි. මේ වන විට හොර්මුස් සමුද්ර සන්ධිය හරහා සිදුවන නෞකා ගමනාගමනය සීඝ්රයෙන් පහළ ගොස් ඇති අතර, ලෝක වෙළඳපොලේ බොරතෙල් මිල ද ඉහළ යමින් පවතිනවා. කලාපයේ ආරක්ෂාව සම්බන්ධයෙන් ඊශ්රායලය ද දැඩි අනතුරු ඇඟවීමක් සිදු කර ඇති අතර, ඉදිරියේදී තත්ත්වය තවත් උග්ර වීමේ අවදානමක් පවතිනවා.

Discussion & Feedback