ඇමරිකානු ජනාධිපති ඩොනල්ඩ් ට්රම්ප් ඉරානයට එල්ල කිරීමට සැලසුම් කර තිබූ ප්රහාර හදිසියේම නතර කරලා තියෙනවා. ඔහු මේ බව ප්රකාශ කළේ තෙහෙරානය සමඟ ඉතා ඉක්මනින් සාම ගිවිසුමකට එළඹීමේ බලාපොරොත්තුවෙන්. ට්රම්ප් තමන්ගේ ‘ටෘත් සෝෂල්’ ගිණුම හරහා පවසන්නේ ඉරානය සහ මැදපෙරදිග අනෙකුත් රටවල් කළ ඉල්ලීමක් මත මෙම තීරණය ගත් බවයි. ඒ වගේම ඊශ්රායලය සමඟත් සාකච්ඡා කිරීමෙන් පසුවයි ඔහු මේ පියවර අරගෙන තියෙන්නේ. ඇමරිකානු හමුදාව ඕනෑම මොහොතක ප්රහාරයක් එල්ල කිරීමට සූදානමින් සිටියත්, රාජ්ය තාන්ත්රික විසඳුමකට ඉඩ ලබා දීම සඳහා ඔහු එය තාවකාලිකව අත්හිටුවා තිබෙනවා.
මෙම යෝජිත ගිවිසුමට අනුව හෝර්මුස් සමුද්ර සන්ධිය වහාම විවෘත කිරීම සහ ඉරානයේ න්යෂ්ටික තර්ජනය අවසන් කිරීම ඇතුළත් විය යුතු බවයි ට්රම්ප් පවසන්නේ. ගිවිසුමේ මූලික කරුණු සම්බන්ධයෙන් එකඟතාවක් ඇති බව ඔහු පැවසුවත්, ඉරානය තවමත් ඒ ගැන නිල වශයෙන් කිසිවක් තහවුරු කරලා නැහැ. කෙසේ වෙතත්, කලාපයේ උණුසුම් තත්ත්වය නිසා මැදපෙරදිග සිටින ඇමරිකානුවන්ට ඉතාමත් කල්පනාකාරීව සිටින ලෙසත්, ගුවන් ගමන් අවලංගු වීම් වැනි බාධාවන්ට සූදානම් වන ලෙසත් ඇමරිකානු රජය දැනුම් දී තිබෙනවා. ඉරානය පැත්තෙන් නම් දිගින් දිගටම චෝදනා කරන්නේ ඇමරිකාව කලාපයේ අස්ථාවරත්වය වැඩි කරන බවයි. ඉදිරියේදී මේ තත්ත්වය කොයි පැත්තට හැරේවිද කියන එක ලෝකයේම අවධානයට ලක්වෙලා තියෙනවා.

Discussion & Feedback