ඇමරිකානු ජනාධිපති ඩොනල්ඩ් ට්රම්ප්ගේ මැදපෙරදිග විශේෂ දූතයා වන ජෙරඩ් කුෂ්නර්, ගාසා තීරයේ සාමය ඇති කිරීමේ අරමුණින් හමාස් සංවිධානයේ නව නායක කලීල් අල්-හයියා සමඟ ඊජිප්තුවේදී විශේෂ සාකච්ඡාවක් පවත්වා තිබෙනවා. ට්රම්ප්ගේ සාම මණ්ඩලය විසින් යෝජනා කර ඇති කරුණු 15කින් සමන්විත සාම සැලැස්ම ක්රියාත්මක කිරීම පිළිබඳව මෙහිදී අවධානය යොමු වී ඇති අතර, හමාස් සංවිධානය නිරායුධ කිරීම සහ ඊශ්රායල හමුදා ගාසා තීරයෙන් ඉවත් කර ගැනීම වැනි තීරණාත්මක කරුණු රැසක් මේ සාකච්ඡාවලට ඇතුළත් වනවා. මෙම අවස්ථාව සඳහා බ්රිතාන්ය හිටපු අගමැති ටෝනි බ්ලෙයාර් ඇතුළු ජාත්යන්තර නියෝජිතයන් පිරිසක්ද එක්ව සිටීම විශේෂත්වයක්.
කෙසේ වෙතත්, ඊශ්රායල අගමැති බෙන්ජමින් නෙතන්යාහු මෙම සාම සැලැස්ම ප්රතික්ෂේප කරමින් පවසන්නේ හමාස් සංවිධානය සම්පූර්ණයෙන්ම නිරායුධ කරන තුරු තම හමුදා ගාසා තීරයෙන් ඉවත් නොකරන බවයි. ඊශ්රායලයේ මෙම ස්ථාවරය සම්බන්ධයෙන් මුස්ලිම් රටවල් අටක් සිය දැඩි විරෝධය පළ කර තිබෙනවා. දැනට පවතින යුද්ධය හේතුවෙන් ගාසා තීරයේ මිලියන 1.9කට අධික ජනතාවක් අවතැන් වී සිටින අතර, මෙය සමස්ත ජනගහනයෙන් 90%ක් වැනි විශාල ප්රතිශතයක්. ට්රම්ප්ගේ මෙම සාම ප්රයත්නය සාර්ථක වේද යන්න තවමත් අවිනිශ්චිත වුවත්, ලෝක ප්රජාව මේ දෙස ඉතා උනන්දුවෙන් බලා සිටිනවා.

Discussion & Feedback