එංගලන්ත ක්රිකට් ආයතනය විසින් එංගලන්ත ලයන්ස් කණ්ඩායමේ ප්රධාන පුහුණුකරු ලෙස ජොනතන් ට්රොට්ව පත් කිරීමට තීරණය කර තිබෙනවා. මේ පත් කිරීමත් එක්කම ඔහු ඉදිරියේදී එංගලන්ත ජාතික කණ්ඩායමේ ප්රධාන පුහුණුකරු ධුරයට පත්විය හැකි ප්රබලම අපේක්ෂකයා බවට පත්වෙලා තියෙනවා. ඇන්ඩෲ ෆ්ලින්ටොෆ්ගෙන් පසුව කණ්ඩායමේ වගකීම් භාරගැනීමට සුදුසුම පුද්ගලයා ලෙස බොහෝ දෙනා ට්රොට්ව හඳුන්වා දෙනවා. ඔහු මීට පෙර ඇෆ්ගනිස්ථාන කණ්ඩායම සමඟ ඉතා සාර්ථක ගමනක් ආපු නිසා, එංගලන්ත තරුණ ක්රීඩකයන්ව දක්ෂයන් ලෙස ගොඩනැගීමට ඔහුට හොඳ හැකියාවක් තියෙනවා කියලා තමයි ක්රිකට් විචාරකයින් පවසන්නේ.
මෙම නව වගකීමත් සමඟ ජොනතන් ට්රොට් ඉදිරි කාලයේදී එංගලන්ත ක්රිකට් අනාගතය වෙනුවෙන් විශාල මෙහෙවරක් කරාවි කියලා බලාපොරොත්තු වෙන්න පුළුවන්. විශේෂයෙන්ම එංගලන්ත ලයන්ස් කණ්ඩායම කියන්නේ ජාතික කණ්ඩායමට පිවිසෙන දොරටුව වගේ තැනක් නිසා, එහි පුහුණුකරු ලෙස ට්රොට්ගේ අත්දැකීම් ඉතා වැදගත් වෙනවා. ෆ්ලින්ටොෆ්ගේ ඉවත්වීමෙන් පසු ඇතිවූ පුරප්පාඩුව පිරවීමට ට්රොට් වැනි පළපුරුදු ක්රීඩකයෙක් සහ පුහුණුකරුවෙක් තෝරා ගැනීම එංගලන්ත ක්රිකට් බලධාරීන් ගත් ඉතාම බුද්ධිමත් තීරණයක් විදියටයි දකින්න ලැබෙන්නේ. ඉදිරි තරගාවලි කිහිපයේදී ඔහුගේ දායකත්වය කණ්ඩායමට කොයි වගේ බලපෑමක් කරයිද කියලා අපි බලාගෙන ඉමු.

Discussion & Feedback