ලොව පුරා සිටින මිලියන සංඛ්‍යාත රසිකයින්ගේ ආදරය දිනාගත් ‘ස්ටාර් ට්‍රෙක්’ (Star Trek) විද්‍යා ප්‍රබන්ධ කතා මාලාවට දැන් වයස අවුරුදු 60ක් පිරෙනවා. 1966 සැප්තැම්බර් 8 වැනිදා ආරම්භ වුණු මේ අපූරු ගමන අද වන විට චිත්‍රපට 14ක් සහ විවිධ කතා මාලා රැසක් හරහා ලෝකයම ආක්‍රමණය කරලා ඉවරයි. මේ සුවිශේෂී සංවත්සරය සැමරීම සඳහා පැරාමවුන්ට් (Paramount) ආයතනය ඇතුළු ලොව පුරා සිටින රසිකයින් විශේෂ වැඩසටහන් රැසක් සංවිධානය කරලා තියෙනවා.
සැප්තැම්බර් 4 සිට 8 දක්වා ලොව පුරා සිනමාහල් රැසක ස්ටාර් ට්‍රෙක් චිත්‍රපට විශේෂ දර්ශනවාර පැවැත්වෙන අතර, රසිකයින්ට ඒ හා සම්බන්ධ විශේෂ සිහිවටන සහ ආහාර පාන ලබාගන්නත් අවස්ථාව ලැබෙනවා. ඒ වගේම ලන්ඩනයේ විද්‍යා කෞතුකාගාරයේදී එකවර වැඩිම පිරිසක් ‘වල්කන් සලියුට්’ (Vulcan salute) අභිනය සිදු කරමින් ලෝක වාර්තාවක් පිහිටුවීමටත් රසිකයින් සූදානම් වෙනවා. හොලිවුඩයේදී ස්ටාර් ට්‍රෙක් නිර්මාතෘ ජීන් රොඩන්බෙරි වෙනුවෙන් විශේෂ උපහාරයක් පිරිනැමෙන අතර, ජාත්‍යන්තර අභ්‍යවකාශ මධ්‍යස්ථානයේ සිටින ගගනගාමී සොෆී ඇඩෙනොට් ද මේ සැමරුමට එක්වෙමින් අභ්‍යවකාශයේ සිට සිය සුබ පැතුම් එක් කිරීමට නියමිතයි.
මේ විදියට ලොව පුරාම රසිකයින් එකතු වෙලා ස්ටාර් ට්‍රෙක් සංවත්සරය සමරන්නේ ඉතාමත් උද්යෝගයෙන්. ඇත්තටම මේ කතා මාලාව දශක ගණනාවක් තිස්සේ මිනිසුන්ගේ සිත් තුළ තියෙන බලාපොරොත්තු සහ කුතුහලය තව තවත් වැඩි කළා කිව්වොත් නිවැරදියි. ඉතින්, ස්ටාර් ට්‍රෙක් රසිකයින්ට කියන්න තියෙන්නේ ‘තව තවත් දීර්ඝායුෂ ලැබේවා’ (Live long and prosper) කියලා තමයි!
Discussion & Feedback