ලොව පුරා රසිකයන් නොඉවසිල්ලෙන් බලා සිටින ‘Treasure Island’ කතා මාලාවේ පළමු දර්ශන පෙළ මේ වන විට අන්තර්ජාලයට නිකුත් වෙලා තියෙනවා. රොබට් ලුවිස් ස්ටීවන්සන්ගේ සම්භාව්‍ය කතාව අලුත් විදියකට නිර්මාණය කරලා තියෙන මේ කතා මාලාව, ප්‍රේක්ෂකයන්ව මුහුදු කොල්ලකරුවන්ගේ ලෝකයට රැගෙන යනවා. මෙහි ප්‍රධාන චරිත සඳහා හේලි ඇට්වෙල්, ඩේවිඩ් ඔයෙලොවෝ සහ ටොම් ස්වීට් වැනි ජනප්‍රිය නළු නිළියන් රැසක් රංගනයෙන් දායක වෙනවා. කතාවේ හැටියට ජිම් හොකින්ස් සහ ඔහුගේ මව වන බෙස් හොකින්ස් අතට පත්වෙන කැප්ටන් ෆ්ලින්ට්ගේ රහසිගත නිධන් සිතියම නිසා ඔවුන් මුහුණ දෙන අභියෝගාත්මක ගමන තමයි මෙහිදී අපිට බලාගන්න පුළුවන් වෙන්නේ.
මෙම කතා මාලාව කොටස් හයකින් සමන්විත වන අතර, එය MGM+ සහ Paramount+ හරහා විකාශය කිරීමට නියමිතයි. ඇමරිකාවේදී ඔක්තෝබර් 11 වැනිදාත්, එක්සත් රාජධානිය සහ අයර්ලන්තයේදී ඔක්තෝබර් 12 වැනිදාත් මෙය ප්‍රේක්ෂකයන්ට නැරඹීමේ අවස්ථාව ලැබෙනවා. නොවැම්බර් මැද භාගය දක්වා සෑම සතියකම අලුත් කොටස් නිකුත් කිරීමටයි නිෂ්පාදකයන් සැලසුම් කරලා තියෙන්නේ. ජැක් හස්ටන් සහ ටෝමර් කැපෝන් වැනි දක්ෂ නළු පිරිසකගේ රංගනයෙන් හැඩවෙන මේ නිර්මාණය, ඇත්තටම මුහුදු කොල්ලකරුවන්ගේ ලෝකයේ අභිරහස් සහ ත්‍රාසජනක අත්දැකීමක් රසිකයන්ට ලබා දෙනු නොඅනුමානයි. ඔබත් මේ වගේ ත්‍රාසජනක කතා මාලාවලට කැමති නම්, අනිවාර්යයෙන්ම මේක නරඹන්න අමතක කරන්න එපා.
Discussion & Feedback