ලෝකයේම අවධානය දිනාගන්නා ටෝකියෝ ජාත්‍යන්තර සිනමා උළෙල මෙවරත් ඉතාමත් උත්කර්ෂවත් ලෙස පැවැත්වීමට සියලු කටයුතු සූදානම් කරලා තියෙනවා. මේ සිනමා උළෙලේ ප්‍රධාන තරගකාරී අංශය සඳහා චිත්‍රපට 15ක් තෝරාගෙන තියෙන අතර, ඉන් හතක්ම ලෝක මංගල දර්ශන වීම විශේෂත්වයක්. ඉන්දුනීසියානු අධ්‍යක්ෂ ගරින් නුග්‍රොහෝගේ ‘Red Before Dawn’ සහ මැසිඩෝනියානු අධ්‍යක්ෂ මිල්චෝ මන්චෙව්ස්කිගේ ‘Sister Brother Manhole Cover’ වැනි නිර්මාණ රැසක් මෙවර උළෙලේදී ප්‍රේක්ෂකයන්ට දැකගන්න පුළුවන්. ජපානයෙන් දේශීය නිර්මාණ කිහිපයක්ම ලෝක මංගල දර්ශන ලෙස මෙහිදී තිරගත කිරීමට නියමිතයි.
තරුණ සිනමාකරුවන් දිරිමත් කරන ‘Asian Future’ අංශය සඳහාත් නිර්මාණ දහයක් තෝරාගෙන තියෙනවා. මේ සිනමා උළෙල ඔක්තෝබර් 26 වැනිදා ආරම්භ වී නොවැම්බර් 4 වැනිදා දක්වා පැවැත්වෙන අතර, ලොව පුරා ප්‍රවීණ සිනමාකරුවන් සහ කලාකරුවන් රැසක් මෙයට එක්වීමට නියමිතයි. ප්‍රකට නිළි කේට් බ්ලැන්චෙට් ඇතුළු පිරිසක් මේ උළෙලට සහභාගී වන අතර, කුරෝසාවා අකිරා සම්මානය පිරිනැමීම ඇතුළු විශේෂාංග රැසක් මෙවර උළෙලේදී දැකගන්න පුළුවන්. සිනමා ලෝලීන්ට ලෝකයේ විවිධ රටවල අත්දැකීම් එකම තැනකදී විඳගන්න ලැබෙන මේ අවස්ථාව සිනමා ක්ෂේත්‍රයේ විශාල පෙරළියක් සිදු කරාවි.
Discussion & Feedback