දැනට ලෝකයේ වැඩිපුරම කතාබහට ලක්වෙන කෘතිම බුද්ධි තාක්ෂණයෙන් නිර්මාණය කළ ‘ටිලී නෝර්වුඩ්’ නම් නිළියගේ පළමු මාධ්ය සංචාරය නම් එතරම් සාර්ථක එකක් වෙලා නැහැ. පාටිකල්6 සමූහය විසින් නිර්මාණය කරපු මේ AI නිළිය එකවර මාධ්යවේදීන් 75 දෙනෙකු සමඟ සම්මුඛ සාකච්ඡාවලට එක්වෙලා තියෙනවා. හැබැයි මේ හැම තැනකදීම ඇය අතින් ලොකු වැරදි සිද්ධ වෙන බව තමයි වාර්තා වෙන්නේ. විශේෂයෙන්ම ප්රසිද්ධ මාධ්යවේදී පියර්ස් මෝගන් සමඟ පැවති සාකච්ඡාවකදී ඇය හදිසියේම කිසිම තේරුමක් නැතිව චීන භාෂාවෙන් කතා කරන්න පටන් ගැනීම ගොඩක් දෙනෙක්ව පුදුමයට පත් කළා.
තමන් රඟපාන චිත්රපටය ගැන ප්රශ්නයක් අහනකොට ඇය උත්තර දෙන්න ගිහින් අතරමං වෙනවා. පියර්ස් මෝගන් ඇයගෙන් ඇයි මෙහෙම කරන්නේ කියලා අහනකොට, ඇය ඉතාම සැහැල්ලුවෙන් කියන්නේ තමන්ගේ වයර් ටිකක් පැටලුණු බවයි. ඇත්තටම මේක තාක්ෂණික දෝෂයක්ද නැත්නම් මිනිස්සුන්ගේ අවධානය දිනාගන්න හිතාමතාම කරපු දෙයක්ද කියලා තාම පැහැදිලි නැහැ. කෙසේ වෙතත්, AI තාක්ෂණය මිනිස්සු වගේ හැසිරෙන්න උත්සාහ කරනකොට මෙවැනි අමුතු සිදුවීම් සිදුවීම ඇත්තටම බරපතල කාරණයක්. කොහොම වුණත්, මේ සිදුවීම නිසා අදාළ චිත්රපටයට ලැබෙන ප්රචාරය නම් අඩුවක් නැහැ.

Discussion & Feedback