දැන් ටික්ටොක් කියන්නේ නිකම්ම වීඩියෝ බලන ඇප් එකක් විතරක් නෙවෙයි. මේ වෙනකොට ටික්ටොක් සමාගම උත්සාහ කරන්නේ තමන්ගේ ප්ලැට්ෆෝම් එක ‘සුපිරි ඇප්’ (Super App) එකක් බවට පත් කරන්න. ඒ කියන්නේ, අපිට දෛනිකව අවශ්ය කරන බොහෝ දේවල් එකම ඇප් එකකින් කරගන්න පුළුවන් විදිහට ඔවුන් වැඩ කටයුතු සූදානම් කරනවා. දැනටමත් ටික්ටොක් ෂොප් (TikTok Shop) හරහා භාණ්ඩ මිලදී ගන්නත්, ක්රීඩා තරගවල තොරතුරු බලන්නත් පහසුකම් දීලා තියෙනවා. විශේෂයෙන්ම ලෝක කුසලාන වගේ ක්රීඩා ඉසව්වලදී වෙනත් ඇප් එකකට නොගිහින්ම ටික්ටොක් එක ඇතුළෙන්ම ලකුණු සහ තොරතුරු දැනගන්න පුළුවන් වීම පරිශීලකයන්ට ලොකු පහසුවක් වෙලා තියෙනවා.
මේ ගමනේ තවත් වැදගත් පියවරක් විදිහට, ටික්ටොක් ගෝ (TikTok GO) හරහා හෝටල් වෙන්කරවා ගැනීම සහ සංචාරක ස්ථාන සොයාගැනීමේ පහසුකම් දැන් ඇමරිකාවේදී ලබා දීලා තියෙනවා. ඒ විතරක් නෙවෙයි, ටික්ටොක් දැන් මූල්ය සේවා ක්ෂේත්රයටත් අත තියන්න හදන්නේ. බ්රසීලයේදී ඔවුන් මූල්ය තාක්ෂණික බලපත්ර සඳහා ඉල්ලුම් කරලා තියෙනවා. මේ හරහා අනාගතයේදී ටික්ටොක් ඇප් එකෙන්ම මුදල් ගනුදෙනු කරන්න, ණය ලබාගන්න සහ ගෙවීම් කරන්න පුළුවන් වේවි. ගූගල් සෙවුම් යන්ත්රයට සහ සිතියම් සේවාවටත් අභියෝගයක් එල්ල කරමින්, ටික්ටොක් මෙහෙම එකම තැනකින් හැමදේම කරගන්න පුළුවන් පරිසරයක් හදන එක ඇත්තටම ලොකු වෙනසක්. චීනයේ වීචැට් (WeChat) වගේ ඇප් එකක් ලෝකය පුරාම ජනප්රිය කරන්න ටික්ටොක් දරන මේ උත්සාහය සාර්ථක වේවිද කියන එක තමයි දැන් හැමෝම බලාගෙන ඉන්නේ.

Discussion & Feedback