ඔස්ට්රියාවේ වියානා නුවර පිහිටි කෞතුකාගාරයක ප්රදර්ශනය කර තිබූ අතිශය වටිනා දියමන්ති මාලයක් සොරුන් දෙදෙනෙකු විසින් දහවල් කාලයේදී ඉතා දක්ෂ ලෙස පැහැරගෙන ගොස් තිබෙනවා. ඇමරිකානු ඩොලර් මිලියන 4කට වඩා වටිනා මෙම ප්ලැටිනම් සහ දියමන්ති මාලය, ඊජිප්තු රාජකීය පවුලට අයත්ව තිබූ එකක්. සොරුන් දෙදෙනා ප්රදර්ශනය නැරඹීම සඳහා ටිකට්පත් මිලදී ගෙන ඇතුළු වී, පසුව වීදුරු ආවරණය කඩා දමා මෙම මාලය කොල්ලකාගෙන පලා ගොස් තිබෙනවා. සිද්ධිය වන අවස්ථාවේදී ඔවුන් සතුව ගිනි අවියක් තිබූ බවටත් පොලිසිය සැක පළ කරනවා.
මෙම මාලය 1939 වසරේදී ඊජිප්තුවේ නාස්ලි රැජින විසින් පැළඳි එකක් වන අතර, එය දියමන්ති 200කට අධික ප්රමාණයකින් සමන්විතයි. කෞතුකාගාර බලධාරීන් පවසන්නේ ආරක්ෂක පියවරයන් ඉතා දැඩිව ක්රියාත්මක කර තිබුණද, මෙවැනි සිදුවීමක් සිදුවීම කම්පනයක් බවයි. මේ වන විට පොලිසිය විසින් සැකකරුවන්ගේ සීසීටීවී දර්ශන ප්රසිද්ධ කර ඇති අතර, ඔවුන් සොයා ජාත්යන්තර මට්ටමින් මෙහෙයුමක් දියත් කර තිබෙනවා. පසුගිය කාලය පුරාම යුරෝපයේ විවිධ කෞතුකාගාරවලින් මෙවැනි වටිනා කලා නිර්මාණ සහ ආභරණ සොරාගැනීමේ සිදුවීම් වාර්තා වීමත් සමඟ, කෞතුකාගාරවල ආරක්ෂාව පිළිබඳව දැඩි ප්රශ්න මතු වී තිබෙනවා.
Discussion & Feedback