මේ දිනවල ලෝක තාක්ෂණික ක්ෂේත්රයේ ලොකුම කතාබහ වෙලා තියෙන්නේ ඇමරිකාව සහ චීනය අතර තියෙන රොබෝ තාක්ෂණික ගැටුම ගැනයි. ඇමරිකාව තමන්ගේ රටේ ආරක්ෂාව වෙනුවෙන් චීනයේ නිෂ්පාදිත ඩ්රෝන යානා සහ උසස් රොබෝ පද්ධතිවලට දැඩි සීමාවන් සහ බදු පැනවීමට පියවර අරගෙන තියෙනවා. ඇත්තටම මේක හුදෙක් තාක්ෂණික සීමා කිරීමක් විතරක් නෙවෙයි, ගෝලීය වෙළඳපොලේ බලය තහවුරු කරගැනීමේ උත්සාහයක්. හැබැයි ප්රශ්නය තියෙන්නේ, ඇමරිකාව මේ විදිහට දොරවල් වහගෙන හිටියත්, චීනය සතුව තියෙන දැවැන්ත නිෂ්පාදන ධාරිතාව සහ අඩු පිරිවැය හමුවේ ඇමරිකාවට මේක පාලනය කරන්න පුළුවන්ද කියන එකයි.
දත්තවලට අනුව, ලෝකයේ ප්රධානම රොබෝ නිෂ්පාදකයන් පස්දෙනාම චීන සමාගම්. ඔවුන් ඉතා අඩු මිලකට උසස් තත්ත්වයේ රොබෝවරු නිෂ්පාදනය කරන නිසා ලෝකයේ බොහෝ රටවල් ඔවුන් දෙසට නැඹුරු වෙලා ඉන්නවා. ඇමරිකාව මෘදුකාංග සහ AI තාක්ෂණයෙන් ඉදිරියෙන් හිටියත්, චීනය නිෂ්පාදන ක්රියාවලිය සහ සැපයුම් දාමය අතින් ගොඩක් ඉදිරියෙන් ඉන්නවා. විශේෂඥයන් කියන විදිහට, ඇමරිකාවට මේ සීමාවන් හරහා චීනයව නවත්වන්න බැහැ. මොකද චීන සමාගම් දැන් ඇමරිකාවෙන් පිටත යුරෝපය, අග්නිදිග ආසියාව සහ ලතින් ඇමරිකාව වගේ රටවලට තම වෙළඳපොල පුළුල් කරමින් ඉන්නවා. අවසානයේදී මේකෙන් වෙන්නේ ලෝක වෙළඳපොල දෙකට බෙදී යාමක් මිසක් චීනයේ දියුණුව නතර වීමක් නෙවෙයි.

Discussion & Feedback