සිරියාවේ හිටපු ජනාධිපති බෂාර් අල්-අසාද්ගේ පාලනය බිඳ වැටීමත් සමඟ, එරට බියකරුම ඔත්තු සේවා ප්රධානියෙකු වූ හුසාම් ලූකා හදිසියේම අතුරුදහන් වුණා. ‘මකුළුවා’ යන අන්වර්ථ නාමයෙන් හැඳින්වෙන මොහු, අසාද්ගේ පාලන සමයේදී දරුණු වධහිංසා සහ අපරාධ රැසකට සම්බන්ධ බවට චෝදනා ලැබූ අයෙක්. කැරලිකරුවන් ඔහුගේ සුඛෝපභෝගී නිවසට කඩා වදින විට, එහි තිබී හමුවූ දේවල් අතරින් වඩාත්ම වැදගත් වූයේ අතින් ලියන ලද දුරකථන අංක ඇතුළත් කුඩා අත්පොතක්. මෙම පොතේ වෛද්යවරුන්, හමුදා නිලධාරීන් සහ සාමාන්ය වැසියන්ගේ නම් රැසක් සටහන්ව තිබුණා.
ලූකාගේ අතීතය ඉතාම භයානක එකක්. විශේෂයෙන්ම 2015 වසරේ සිදුවූ ළමා සමූලඝාතනය ඇතුළු බොහෝ අපරාධ පිටුපස ඔහු සිටි බවට සාක්ෂි තිබෙනවා. හුම්ස් නගරයේ කැරලිකරුවන් කොටු කරගෙන සිටි සමයේ, ආරක්ෂිතව පිටවීමට නම් තමන්ට කතා කරන්නැයි පවසමින් ලූකාගේ දුරකථන අංකය නගරයේ බිත්තිවල පවා ලියා තිබුණා. නමුත් එම අංකයට ඇමතුම් ලබාගත් බොහෝ දෙනෙකුට ඉන්පසු සිදුවූයේ කුමක්දැයි කිසිවෙකු දන්නේ නැහැ. මේ වන විට ලූකා සැඟවී සිටියත්, ඔහුගේ නිවසින් හමුවූ මෙම අත්පොත ඔහුව සොයා ගැනීමට සහ ඔහු කළ අපරාධවලට යුක්තිය ඉටු කිරීමට විශාල පිටුවහලක් වනු ඇතැයි බොහෝ දෙනා විශ්වාස කරනවා.

Discussion & Feedback