මේ දවස්වල ලෝකෙ පුරාම තියෙන මතක චිප් (Memory chip) හිඟය නිසා ඇපල් සමාගමේ ජනප්රියම ලැප්ටොප් එක වන මැක්බුක් එයාර් (MacBook Air) මිලදී ගන්න එක ලොකු ගැටලුවක් වෙලා තියෙනවා. බ්ලූම්බර්ග් මාධ්යවේදී මාර්ක් ගර්මන් කියන විදිහට, මේ ප්රශ්නය කලින් බලපෑවේ මැක් මිනි සහ මැක් ස්ටුඩියෝ වගේ පරිගණකවලට විතරයි. හැබැයි දැන් ඒ බලපෑම මැක්බුක් එයාර් එකටත් තදින්ම දැනෙනවා. මේකට ප්රධාන හේතුව වෙලා තියෙන්නේ කෘත්රිම බුද්ධිය හෙවත් AI තාක්ෂණය දියුණු කරන සමාගම්වලින් චිප් සඳහා තියෙන ඉල්ලුම අධික වීමයි.
දැනට ඇපල් වෙබ් අඩවිය හරහා මැක්බුක් එයාර් එකක් ඕඩර් කරන්න ගියොත් අගෝස්තු මාසයේ අග හෝ සැප්තැම්බර් මාසය වෙනකම් බලාගෙන ඉන්න සිද්ධ වෙනවා. මේ තත්ත්වය මගහරවා ගන්න ඇපල් සමාගම චීන සැපයුම්කරුවන්ගෙන් චිප් ලබාගන්න සහ මිල ගණන් ඉහළ දාන්න පියවර අරන් තියෙනවා. ඒ වගේම, සාමාන්යයෙන් ජුනි මාසයේ පවත්වන ‘බැක් ටු ස්කූල්’ ප්රවර්ධන වැඩසටහනත් ඔවුන් මේ පාර කල් දාලා තියෙන්නේ. ඇපල් සමාගම දැන් ඔවුන්ගේ වෙළඳ දැන්වීම්වල පවා ‘මැක්බුක් එයාර් තොග තිබෙන ප්රමාණය අනුව පමණි’ කියලා සඳහන් කරලා තියෙනවා. ඉතින් ඔයාලා අලුතින් මැක්බුක් එකක් ගන්න හිතාගෙන ඉන්නවා නම්, මේ තත්ත්වය ගැන සැලකිලිමත් වෙන එක හොඳයි.

Discussion & Feedback