නෙට්ෆ්ලික්ස් හරහා විකාශය වන අලුත්ම දකුණු කොරියානු කතා මාලාව වන ‘ද ඊස්ට් පැලස්’ (The East Palace) මේ දිනවල රසිකයන් අතර ලොකු කතාබහක් ඇති කරලා තියෙනවා. මේ කතාව දකින්න ලැබෙන්නේ ‘ද කොන්ජරින්’ චිත්‍රපට මාලාවේ එන භූත දඩයම් කිරීමේ අත්දැකීම සහ ‘ස්ට්‍රේන්ජර් තින්ග්ස්’ කතා මාලාවේ එන අද්භූත සමාන්තර ලෝකයේ එකතුවක් විදිහටයි. ප්‍රධාන චරිතය වන ගු-චියොන් සහ භූතයන්ට ඇහුම්කන් දිය හැකි මාලිගාවේ සේවිකාව වන සාන්ග් ගැන්ග් එකතු වෙලා මාලිගාවේ සැඟවී සිටින අද්භූත බලවේග පලවා හරින ආකාරය මෙහි ඉතාම ආකර්ෂණීය විදිහට පෙන්නුම් කරනවා.
කතා මාලාව කොටස් අටකින් සමන්විත වන අතර, සෑම කොටසකින්ම මාලිගාවේ සැඟවී ඇති අඳුරු රහස් සහ භූත ලෝකයේ අභිරහස් එකින් එක හෙළි වෙනවා. ස්ට්‍රේන්ජර් තින්ග්ස් හි එන ‘අප්සයිඩ් ඩවුන්’ ලෝකයට සමාන දර්පණ ලෝකයකට ගමන් කරමින් භූතයන් සමඟ සටන් කිරීමට ගු-චියොන්ට සිදුවෙනවා. මේ කතාවේ තියෙන විශේෂත්වය තමයි, මුල සිටම අද්භූත ෆැන්ටසි ලෝකයක් ගොඩනගා තිබීම නිසා ප්‍රේක්ෂකයන්ට මේ අත්දැකීම වඩාත් ස්වාභාවිකව දැනීම. දැනට නෙට්ෆ්ලික්ස් ඔස්සේ විකාශය වන මේ අලුත්ම අත්දැකීම භීෂණය සහ ෆැන්ටසි රසය එකට විඳින්න කැමති ඕනෑම කෙනෙකුට අනිවාර්යයෙන්ම බලන්න පුළුවන් කතා මාලාවක්.
Discussion & Feedback