මේ දිනවල ලෝකය පුරාම භීෂණ හෝ හොරර් (Horror) ශානරයේ නිර්මාණවලට ලොකු ඉල්ලුමක් තියෙනවා. ඒ අතරින් MGM+ නාලිකාවේ විකාශය වන ‘FROM’ කතා මාලාව මේ වන විට අතිවිශාල ජනප්‍රියත්වයක් ලබාගෙන තියෙනවා. කිසිදු අලුත් කථාංගයක් විකාශය නොවී මාස තුනකට ආසන්න කාලයක් ගතවෙලා තිබුණත්, MGM+ හි ඉහළම දර්ශක දහය අතර දින 150කට වඩා රැඳී සිටීමට මෙම කතා මාලාව සමත් වෙලා තියෙනවා. මේක ඇත්තටම ලේසි පහසු වැඩක් නෙවෙයි, මොකද මේ චාට් එකේ චිත්‍රපට සහ ටෙලි කතා මාලා දෙකම එකට තමයි ඇතුළත් වෙන්නේ. දැනට ඇමරිකාවේ MGM+ වේදිකාවේ වැඩිම පිරිසක් නරඹන වැඩසටහන බවටත් ‘FROM’ පත්වෙලා ඉවරයි.
Rotten Tomatoes දර්ශකයේ 96%ක ඉහළ අගයක් ලබාගෙන තියෙන මේ කතා මාලාව, ඉදිරියේදී එන්න තියෙන පස්වන කතා සමයත් එක්ක අවසන් වෙන්නයි නියමිත වෙලා තියෙන්නේ. හතරවන කතා සමය ජුනි මාසයේදී අවසන් වුණත්, රසිකයන් තවමත් මේ කතා මාලාව නරඹමින් ඉන්නවා. පස්වන කතා සමය හරහා කතා මාලාව පුරාම ඉතිරි වෙලා තියෙන සියලුම අභිරහස්වලට පිළිතුරු ලැබෙනු ඇති බවයි නිර්මාණකරුවන් පවසන්නේ. හොරර් කතා රසිකයන්ට නම් මේක ඇත්තටම සුබ ආරංචියක්. ඉදිරියේදී එන්න තියෙන මේ අවසාන කතා සමය ගැන හැමෝම ඉන්නේ ලොකු බලාපොරොත්තුවකින්.
Discussion & Feedback