මේ දවස්වල ගොඩක් අය කතා වෙන්නේ AI හෙවත් කෘත්රිම බුද්ධිය නිසා අනාගතයේදී රැකියා අහිමි වෙයිද කියන බිය ගැනයි. 2026 වසරේ මුල් මාස කිහිපය තුළ පමණක් ලොව පුරා ආයතන 90,000ක පමණ රැකියා කප්පාදුවක් සිදුවී තිබෙනවා. ගොඩක් අය හිතාගෙන ඉන්නේ AI නිසා විශේෂයෙන්ම තරුණ පරපුරේ රැකියා අවස්ථා නැතිවෙලා යයි කියලා. නමුත් Ramp සහ Revelio Labs විසින් සිදුකළ නවතම පර්යේෂණයකින් මේ ගැන වෙනස්ම පැත්තක් හෙළි කරලා තියෙනවා.
පර්යේෂකයන් පෙන්වා දෙන්නේ AI තාක්ෂණය සඳහා වැඩිපුර මුදල් ආයෝජනය කරන සමාගම්වල සේවක සංඛ්යාව අඩු වෙනවා වෙනුවට 10%කට වඩා වැඩි වී ඇති බවයි. විශේෂයෙන්ම ඉංජිනේරු, අලෙවිකරණ සහ පාරිභෝගික සේවා වැනි අංශවල නව රැකියා අවස්ථා බිහිවෙලා තියෙනවා. මෙයින් පෙනී යන්නේ AI කියන්නේ රැකියා විනාශ කරන මෙවලමක් පමණක් නොවෙයි, සමාගම්වල වර්ධනයට උදව් වන සාධකයක් බවයි. කෙසේ වෙතත්, මේ වාසිය ලැබෙන්නේ දැනටමත් හොඳ මූල්ය ශක්තියක් සහ තාක්ෂණික පහසුකම් තියෙන සමාගම්වලට පමණක් බවත් ඔවුන් අනතුරු අඟවනවා.
අවසාන වශයෙන් කියන්න තියෙන්නේ, AI තාක්ෂණය හරියට පාවිච්චි කරන සමාගම්වලට තමන්ගේ නිෂ්පාදන වියදම අඩු කරගෙන ආයතනය තව තවත් පුළුල් කරන්න පුළුවන් වෙලා තියෙනවා. ඒ නිසා AI නිසාම රැකියා අහිමි වෙනවා කියන මතය හැම තැනටම පොදු නැහැ. තාක්ෂණයත් එක්ක අලුතින් හිතන, අලුත් දේවල් ඉගෙන ගන්න අයට අනාගතයේදී රැකියා වෙළඳපොළේ ලොකු ඉඩක් තියෙන බව තමයි මේ දත්තවලින් පැහැදිලි වෙන්නේ.

Discussion & Feedback