ලෝක ප්‍රකට ලේඛක ටෙරී ප්‍රචෙට්ගේ ‘ඩිස්ක්වර්ල්ඩ්’ (Discworld) මාලාවේ අතිශය ජනප්‍රියම නවකතාව වන ‘නයිට් වොච්’ (Night Watch) හි විශේෂ සංස්කරණයක් එළිදැක්වීමට ටෙරී ප්‍රචෙට් භාරකාර මණ්ඩලය පියවර අරගෙන තියෙනවා. මේ නවකතාව බොහෝ දෙනෙක් සලකන්නේ ප්‍රචෙට්ගේ විශිෂ්ටතම නිර්මාණය විදිහටයි. 2026 ඔක්තෝබර් 29 වෙනිදා නිකුත් වෙන්න නියමිත මේ විශේෂ පොතේ කවරය නිර්මාණය කරලා තියෙන්නේ 2026 පෙන්ගුයින් කවර නිර්මාණ සම්මානය දිනාගත්ත ජෝ බන්ඩොක් විසින්. මධ්‍යකාලීන චිත්‍ර කලාවෙන් ආභාෂය ලබාගෙන නිර්මාණය කරපු මේ කවරය ඇත්තටම හරිම අපූරුයි.
මේ කතාව ගෙතෙන්නේ සැම් වයිම්ස් කියන ප්‍රධාන චරිතය වටායි. ඔහු අන්ක්-මෝර්පෝක් නගරයේ සිදුවන අපරාධයක් පසුපස හඹා යද්දී අහම්බෙන් දශක ගණනාවකට අතීතයට ගමන් කරනවා. එහිදී ඔහුට තමන්ගේම තරුණ කාලය මුණගැසෙන අතර, ලේ වැකි විප්ලවයකට මැදිවෙමින් ඔහු ගන්නා තීරණ පාඨකයාගේ හදවතට තදින්ම දැනෙනවා. විශේෂයෙන්ම, දුප්පත්කම සහ ජීවන වියදම ගැන වයිම්ස් පවසන ‘බූට් සපත්තු’ පිළිබඳ දර්ශනය අදටත් ලෝකය පුරාම කතාබහට ලක්වෙනවා. මේ නව සංස්කරණයත් එක්කම, ඉදිරියේදී ඩිස්ක්වර්ල්ඩ් කතා මාලාව ඇසුරින් නිර්මාණය වෙන්න නියමිත ග්‍රැෆික් නවකතා රැසක් ගැනත් රසිකයන්ට බලාපොරොත්තු තියාගන්න පුළුවන්.
Discussion & Feedback