Yellowstone සහ Landman වැනි ජනප්‍රිය නිර්මාණ හරහා ලොවම දිනාගත් ප්‍රකට තිර රචක ටේලර් ෂෙරිඩන් මේ දිනවල හොලිවුඩ් සිනමා ක්ෂේත්‍රය ගැන අලුත්ම කතාවක් පටන් අරන් තියෙනවා. ඔහු කියන විදිහට අද ඉන්න චිත්‍රාගාර ප්‍රධානීන් සහ විධායක නිලධාරීන් කතාවක් ගොඩනඟන්නේ කොහොමද කියලා කිසිම දෙයක් දන්නේ නැහැ. ඔවුන් හුදෙක් අලෙවිකරණ අංශයේ අය විතරයි. නිර්මාණකරුවන්ට නිදහසේ වැඩ කරන්න නොදී හැම දේම පාලනය කරන්න හදන එකෙන් වෙන්නේ හොඳ කතා කලාවක් විනාශ වෙන එක කියලා ඔහු චෝදනා කරනවා. විශේෂයෙන්ම මාර්වල් චිත්‍රපට වගේ දේවල්වල තියෙන අනවශ්‍ය තොරතුරු ගොඩගැසීම් ගැනත් ඔහු සිය අප්‍රසාදය පළ කරලා තියෙනවා.
තමන් කිසිම දවසක ‘එමි’ (Emmys) සම්මාන දිනාගන්න උත්සාහ කරන්නේ නැති බවත් ෂෙරිඩන් ඉතා පැහැදිලිව ප්‍රකාශ කරනවා. ඔහුගේ එකම අරමුණ වෙන්නේ සාමාන්‍ය ප්‍රේක්ෂකයාට දැනෙන, ඔවුන්ව සිනාගස්වන, බියගන්වන සහ සිතන්න පොළඹවන කතා නිර්මාණය කිරීමයි. තමන්ගේ වැඩවලට විචාරකයන් මොනවා කිව්වත් තමන් කරන්නේ තමන්ට හිතෙන දේ බවත්, තමන්ගේ නිර්මාණවලින් බලාපොරොත්තු වෙන්නේ සම්මාන නෙවෙයි ප්‍රේක්ෂක හදවත් දිනාගැනීම බවත් ඔහු අවධාරණය කරනවා. හොලිවුඩයේ පවතින මේ කෘතිම ක්‍රමවේදයන්ට එරෙහිව ෂෙරිඩන් එල්ල කළ මේ ප්‍රහාරය මේ වන විට සිනමා ලෝකයේ ලොකු කතාබහකට ලක්වෙලා තියෙනවා.
Discussion & Feedback