ස්විට්සර්ලන්තයේ පවතින සාම්ප්රදායික මධ්යස්ථභාවය තවදුරටත් දැඩි කිරීමට එරෙහිව එරට ජනතාව පසුගියදා සිය විරෝධය පළ කළා. එක්සත් ජාතීන්ගේ සංවිධානයේ අනුමැතියකින් තොරව කිසිදු රටකට එරෙහිව සම්බාධක පැනවීම වැළැක්වීමට සහ නේටෝ සංවිධානය සමඟ සමීප සබඳතා පැවැත්වීම සීමා කිරීමට යෝජනා වී තිබුණත්, 70%කට වැඩි ඡන්ද ප්රතිශතයකින් ස්විස් ජනතාව එම යෝජනා ප්රතික්ෂේප කර තිබෙනවා. රුසියාව විසින් යුක්රේනය ආක්රමණය කිරීමෙන් පසුව, ස්විට්සර්ලන්තයේ මෙම මධ්යස්ථභාවය පිළිබඳව ලෝකය පුරාම විශාල කතාබහක් ඇති වුණා. රුසියාව මෙම යෝජනාවට පක්ෂව සිටියත්, ස්විස් රජය සහ අනෙකුත් ප්රධාන දේශපාලන පක්ෂ එය දැඩි ලෙස ප්රතික්ෂේප කිරීම කැපී පෙනෙන කරුණක්.
ස්විට්සර්ලන්ත විදේශ අමාත්ය ඉග්නාසියෝ කැසිස් පවසන්නේ මධ්යස්ථභාවය කියන්නේ උදාසීනකම නෙවෙයි කියලයි. ජාත්යන්තර නීති උල්ලංඝනය වන විට නිහඬව බලා සිටීමට ස්විට්සර්ලන්තය සූදානම් නැති බවත්, මධ්යස්ථභාවය යම් නම්යශීලී බවකින් යුතුව ක්රියාත්මක කළ යුතු බවත් ඔහු අවධාරණය කරනවා. 1815 වසරේ සිට පැවත එන මෙම මධ්යස්ථ ප්රතිපත්තිය තුළ අවි ආයුධ සැපයීම තහනම් වුවත්, රුසියාවට එරෙහි සම්බාධක පැනවීමේදී ස්විට්සර්ලන්තය සිය ස්ථාවරය පැහැදිලිව පෙන්වා තිබෙනවා. කෙසේ වෙතත්, යුද්ධ පවතින රටවලට අවි ආයුධ විකිණීම තහනම් කිරීමේ ප්රතිපත්තිය තවදුරටත් එලෙසම පවත්වාගෙන යාමටයි එරට රජය තීරණය කරලා තියෙන්නේ.

Discussion & Feedback